Свет
Иранската служба за безбедност открила шпионски мрежи на ЦИА и МИ6
Шефот на иранското Министерство за разузнавање, Махмуд Алави, објави дека неговото министерство успеало да ѝ нанесе силен удар на шпионската мрежа на ЦИА која оперира во Иран и во регионот, објави новинската агенција „Мехр“.
Тој вели дека десетици шпиони, кои работат во чувствителни сектори на државата, биле уапсени како резултат на акцијата на министерството.
„Во еден комплициран процес против Централната разузнавачка агенција на САД, идентификувани се 290 шпиони од мрежата за шпионажа во различни земји, вклучувајќи го и Иран”, рече тој.
Алави понатаму истакна дека слична мерка била донесена и во врска со британскта МИ6, ветувајќи дека подоцна ќе објави повеќе детали за операциите против двете странски разузнавачки агенции . Тој исто така рече дека информациите за шпионските мрежи ќе бидат испратени до пријателски држави кои се заинтересирани за нив.
Ниту Вашингтон ниту Лондон не го коментираа извештајот.
Од доаѓањето на администрацијата на Трамп, Вашингтон презеде строг пристап кон Иран во својата надворешна политика. САД, пред се, се повлекоа од иранскиот нуклеарен договор на 8 мај 2018 година и воведоа силни санкции против нафтениот, банкарскиот и превозниот сектор на Техеран во ноември истата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.