Свет
Иранска боксерка ќе остане во Франција по заканата за нејзино апсење во Иран
Првата иранска боксерка која победи во меѓународен меч ќе остане во Франција и нема да се врати дома откако во Техеран беше издаден налог за апсење против неа, пренесува француски „Лекип“.
Садаф Кадем (24), која се натпреварува во шорцеви и маички со откриена глава, и нејзиниот тренер Махјар Монсипур моментално се наоѓаат во францускиот град Поатје. Кадем требаше да се врати во Техеран, каде што работи како тренер по фитнес, по победата во саботата над 25-годишната Ана Шовин од Франција во западниот град Ројан.
Кадем изјави дека била во такси на пат кон аеродромот „Шарл де Гол“ кога нејзиниот тренер, добил информации дека е издаден налог за апсење. Монсипур, поранешен светски боксерски шампион, кој е роден во Иран, но сега е француски државјанин, го организирал мечот откако Иран им дозволи на жените да боксуваат.
Учеството на Иранкитево спортски настани е во голема мера ограничено иако властите во Исламската република почнуваат да попуштаат во некои области по неколкугодишна кампања од страна на групите за притисок. Федерацијата сега им овозможува на жените да се регистрираат како боксери под услов да бидат тренирани од жена и да носат исламски хиџаб додека се натпреваруваат.
Во Иран жените можат да бидат казнети со парична казна или дури и со затворска казна ако излезат во јавноста без шамија, при што женските спортисти треба да ги покриваат рацете, нозете и вратот за време на натпреварот.
Кадем изјави за „Лекип“ дека нејзиниот избор на опрема за мечот би можел да ѝ предизвика непријатности дома.
„Се борев во законските рамки, во Франција. Но бидејќи носев шорцеви и маичка, ги прекршив правилата на мојата земја. Не носев хиџаб, бев тренирана од маж, а некои луѓе нема да го прифатат тоа. Сакам да се подобрам што е можно повеќе, да напредувам колку што е можно повеќе и да покажам дека и другите Иранки можат да учествуваат во овој спорт”, изјави Хадем пред почетокот на борбата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Родителите на 2-годишната Данка во полиција во Бор: мајката одбила полиграф
Родителите на исчезнатата 2-годишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ се уште не е пронајдено. Апелираме до сите луѓе да не објавуваат информации кои не се проверени. Со тоа се нарушува и се загрозува истрагата во која е инволвиран и Одделот за криминалистичка полиција, изјавиле за „Телеграф.рс“ од српската полиција.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.
Регион
Откриено кој го возел „пунтото“ во моментот на исчезнувањето на Данка
Кој го управувал автомобилот „пунто“ е откриено од видеото во случајот со исчезнувањето на девојчето Данка.
Преземено е видео од надзорната камера лоцирана во дворот на куќата на сосетката Јасмин Стојадиновиќ од Бањско Поле, која била прегледана од полицијата во текот на истрагата за исчезнувањето на Данка Илиќ (2) од Бор.
На видеото се гледа зелен автомобил „пунто“, кој во моментот на исчезнувањето на девојчето се движел по улицата со голема брзина. Возилото наводно било управувано од маж. Сепак, оваа информација не го олесни пребарувањето многу. Познато е дека бил сослушан во полиција.
Утврдено е дека се работи за сосед што живее недалеку од местото на кое исчезна Данка Илиќ. Според информациите, мажот бил во алкохолизирана состојба и возел со голема брзина.
Девојчето исчезна на 26 март во 13.45 часот.