Свет
Иран го услови продолжување на нуклеарниот договор: Европа мора да купува иранска нафта
Иранскиот врховен лидер вели дека Европа мора да надомести за сите негативни ефекти што американскиот повлекувањето од нуклеарниот договор би можело да го има врз нејзината економија и да не се обидува да ги вклучи во договорот неговата програма за балистички ракети и регионалната политика, пренесува „Раша тудеј“.
Ајатолахот Али Хаменеи ја презентираше листата условите под кои Иран ќе остане во нуклеарниот договор во средата. Во говор пред владините претставници, Хаменеи наведе серија барања што Франција, Велика Британија и Германија мора да ги исполнат ако не сакаат Иран да ја рестартира својата нуклеарна програма која беше прекината со договорот во 2015 година.
Додека европските земји кои се страна во клучниот договор го критикуваа излезот на САД и ветија дека ќе се придржуваат до договорот, Хаменеи тврди дека зборовите не се доволни и дека Европа треба и формално да ја осуди одлуката на САД во ОН.
“Во изминатите две години, САД повеќепати го прекршија договорот, а Европа молчеше. Европа мора да ја надомести таа тишина “, рече Хаменеи, повикувајќи ја Европа експлицитно да се спротивстави на санкциите на САД.
Иако Иран тврди дека не бара кавга со Европа, Хаменеи истакна дека овие три земји докажаа оти за најчувствителните прашања ги следат САД.
Едно од клучните барања на Хаменеи е Европа да осигура дека иранската програма за балистички ракети и нејзините акции во регионот нема да бидат дел од какви било идни преговори. Иранскиот развој на балистички ракети беше главна причина за загриженост на Вашингтон и САД го обвинуваат Иран за кршење на духот на договорот, додека Иран инсистира дека програмата е строго дефанзивна. За да се компензираат економските загуби што ќе ги претрпи Иран со обновувањето на санкциите од САД, Европа мора да ги гарантира иранските приходи од нафта.
“Европа мора да гарантира дека иранската нафта ќе биде целосно продадена. Ако САД можат да ѝ наштетат на продажбата на нашата нафта, мора да бидеме во можност да продадеме колку што сакаме. Европејците мора да гарантираат дека ни ќе ја надоместат загубата и дека купуваат нафта од Иран “, рече Камнеи.
Иран сака да добие јасни гаранции од Европа дека ќе продолжи со бизнисот со Техеран, рече Хаменеи, додавајќи дека устните гаранции нема да бидат доволни и дека гаранциите мора да бидат обезбедени од европските банки.
“Ние немаме проблем со овие три земји, но не им веруваме врз основа на претходното искуство “, рече тој.
Во случај Европа да ги отфрли барањата, Иран го задржува правото да ја продолжи својата нуклеарна програма, посочи Хаменеи, додавајќи дека откако нуклеарниот договор ќе стане бескорисен за Иран, можниот чекор напред е да ги рестартираат тие прекинати активности.
Иранскиот ултиматум доаѓа само три дена откако американскиот државен секретар Мајк Помпео постави 12 основни барања за Иран, почнувајќи од повлекување од Сирија до намалување на поддршката на Хутите во Јемен и н Хезболах, заканувајќи му се на Иран со најстроги санкции во историјата. Иран го отфрли планот, а и ЕУ го критикуваше американскиот пристап кон иранскиот проблем, тврдејќи дека тој не помага за продолжување на разговорите со Иран на теми кои не се опфатени со нуклеарниот договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Евакуација на две села во Тјумен, Русија поради поплави, стабилна во Удмуртија
Во областа Абат во руската област Тјумен, во тек е евакуација на жителите на две села поради поплави, а ситуацијата во Удмуртија се стабилизира, а водостоите на реките во тој руски регион се намалуваат, соопштија официјални лица.
Жителите на селата Назарово и Јурга во областа Тјумен се евакуираат со бродови, пренесе Интерфакс.
Официјални лица соопштија дека нивото на водата во реката Лоза во руската Удмуртска Република, која поплави 120 станбени области во регионалниот центар Игра, се намали за речиси 120 сантиметри.
Свет
Авион со 200 луѓе слета во Јапонија, по слетувањето, почна да чади
Јапонскиот државен радиодифузен сервис NHK објави дека се издигнал чад од авионот на All Nippon Airways, кој денеска слета на аеродромот „Шин Читозе“ во Јапонија.
Летот 71 полета од аеродромот „Ханеда“ во Токио со 200 луѓе. Нема извештаи за повредени.
NHK јавува дека чадот, кој се гледал од пределот на крилата по слетувањето, исчезнал кога моторот престанал да работи. Причината за чадот може да биде истекување нафта, според NHK. Индикаторот во пилотската кабина покажа губење на притисокот на маслото во системот што го контролира авионот.
Една од двете писти на аеродромот „Читосе“ беше затворена по инцидентот.
Во јануари, авион на „Јапонија ерлајнс“ и авион на крајбрежната стража се судрија на аеродромот „Ханеда“ и се запалија. Сите 379 патници и членови на екипажот на JAL се евакуирани, но загинаа пет члена од авионот на крајбрежната стража.
Свет
Путин: Сите вмешани во терористичкиот напад во „Крокус сити хол“ кај Москва мора да бидат казнети
Сите поттикнувачи, спонзори и организатори на терористичкиот напад на концертната сала „Крокус“, во предградието на Москва, мора да бидат идентификувани и казнети, изјави рускиот претседател, Владимир Путин.
„Руските разузнавачки и агенциите за спроведување на законот го истражуваат и испитуваат секој детаљ од овој грозоморен терористички чин во ‘Крокус’ идентификувајќи ги сите инволвирани страни, вклучително и поттикнувачите, спонзорите и организаторите. Никој од нив не смее да избега од праведна казна“, нагласи Путин.
Зад терористичките напади во разни делови на светот стојат и радикални групи и разузнавачки служби на одделни земји, рече рускиот лидер, пренесен од руските медиуми.
„Несомнено, меѓународниот тероризам останува една од најголемите закани на 21 век“, истакна Путин.
.