Свет
Иран сака да нѐ уништи, тврди израелскиот премиер Нетанјаху
Израелскиот премиер, Бенјамин Нетанјаху, ја осуди најавата на Иран за планот за зголемување на капацитетите за збогатување на ураниум, тврдејќи дека Техеран сака да биде сопственик на нуклеарно оружје за уништување на Израел.
„Ајатолахот Хаменеи, врховниот лидер на Иран, пред две дена ја објави намерата да го уништи Израел. Тој во понеделникот објасни и како ќе го стори тоа: со збогатување на ураниум без ограничувања, со цел да се создаде силен нуклеарен арсенал“, вели Нетанјаху во снимка објавена на социјалните мрежи.
„Сепак ние не сме изненадени и ќе го спречиме Иран во намерата да се снабди со нуклеарно оружје“, додава тој.
Ајатолахот Али Хаменеи во неделата на Твитер напиша дека Израел е канцероген тумор на Блискиот Исток, кој мора да биде искоренет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.