Свет
Иран создава заеднички гранични реакциски сили со Пакистан
Иран и Пакистан ќе создадат заеднички сили за реакција на границата меѓу двете земји, рече иранскиот претседател Хасан Рохани за време на дводневната посета на Иран на покана од пакистанскиот премиер Имран Кан, прва во неговиот мандат, пренесува РТ.
Иран и Пакистан делат 959 км копнена граница. Техеран со години се жали на континуирани напади од пакистанските милитанти врз иранските безбедносни сили, а последниот инцидент беше во февруари.
Идните сили ќе имаат цел да ја зајакнат безбедноста на границата и да ги поттикнат билатералните врски меѓу Иран и Пакистан.
Во самоубиствениот напад во февруари загинаа 27 припадници на Револуционерната гарда во провинцијата Систан-Балучистан во Иран. Рохани минатиот месец побара одлучни мерки од Пакистан за борба против антииранските терористи на својата територија.
Сунитката џихадистичка група Џаис ал-Адл (Армијата на правдата), која Техеран ја обвини за бомбашкиот напад врз иранските вооружени сили, е обвинета и од страна на Пакистан за таргетирање на пакистанските војници во својата провинција Балучистан минатата недела. Напаѓачите убија 14 припадници на безбедносните сили.
Пакистански официјални лица изјавија дека базата на поддршка на групата се протега на иранската погранична територија, каде што милитантите имаат тренинг и логистички кампови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.