Свет
Иран ќе го надмине лимитот на ураниумските резерви од нуклеарниот договор
Иранската атомска агенција денеска потврди дека земјата набргу ќе го надмине лимитот за своите резерви од ураниум утврден во неуспешниот нуклеарен договор ЈЦПОА, договорен со Обама, пренесува „Брејтбарт“.
Портпаролот на агенцијата, Бехруз Камалванди, додаде дека Техеран исто така ќе ги зголеми нивоата на збогатување на своите ураниумски резерви врз основа на потребите на земјата.
Најавата следува по коментарите на иранскиот претседател Хасан Рохани на 15 јуни дека неговата земја ќе продолжи со намалувањето на усогласеноста со нуклеарниот договор ако другите потписници не покажат позитивни сигнали за договорот.
Американскиот претседател Доналд Трамп се повлече од тој договор минатиот мај одржувајќи го ветувањето од својата предизборна кампања за прекин на договорот. Сега Иран е во трка за целосна нуклеарна самоодржливост, потврди Камалванди.
„Денес, почна одбројувањето за надминување 300 килограми резерва збогатен ураниум и за 10 дена ќе го надминеме ова ограничување“, рече тој посочувајќи го 27 јуни како датумот за кршење на клучната одредба од договорот.
Камалванди призна дека земјата веќе четирикратно го зголеми производството на ниско збогатен ураниум. Иран почна да ги зголемува нуклеарните резерви минатиот јули кога објави дека резервите од ураниум им се речиси 950 тони и покрај глобалните забрани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.