Свет
Исламистичките екстремисти одржуваат шеријатски судења во британските затвори
Исламистичките екстремисти во британските затвори одржуваат шеријатски судења и ги демнат младите муслимани со надеж дека ќе ги радикализираат, пренесува „Тајмс оф Лондон“.
Поранешен затвореник во „ХМП Вудхил“ во Милтон Кејнс изјави за весникот дека бил регрутиран од група затвореници кои ѝ ветиле верност на Исламската држава. Според неговата приказна, затворот имал свој самопрогласен емир, кој претседавал со импровизиран шеријатски суд во затворот.
Поранешниот осуденик рече дека учествувал во „судењето“ на двајца затвореници, кои наводно го навредиле исламот со пиење алкохол. Затворениците биле прогласени за виновни и добиле ќотек како казна.
Групата, наводно, имала пристап до снимките на високиот член на Ал каеда, Анвар ал-Авлаки. Многу членови на екстремистичката секта се насилни престапници кои преминале во исламот додека биле во затвор. Поранешен екстремист вели дека кога излегол од затворот, добил пораки од затвореници што му нудат премин во Сирија.
Радикализацијата во британските затвори се најде под лупа по нападот на Лондонскиот мост минатиот месец. Усман Кан, терористички затвореник од категорија А, пуштен на условна слобода, уби две лица пред да биде убиен од полицијата.
Реформите за справување со ширењето на екстремизмот во казнено-поправниот систем во Британија се необјасниво забавени, изјави Ричард Волтон, поранешен шеф на Антитерористичката команда во Скотланд јард, за „Тајмс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.