Свет
Италијанските популисти спречиле муслиманска група да претвори црква во џамија
Ломбардиската популистичка локална самоуправа предводена од партијата „Лига“ ги блокираше плановите да се претвори една стара црква во џамија откако исламската група ги надмина христијаните на аукцијата за црквата во Бергамо, северна Италија, пренесува „Брејтбарт“.
Претседателот на регионот, Атилио Фонтана, минатиот викенд објави дека советот го искористил законот од 2004 година кој ѝ овозможува на регионалната влада да ја прекине продажбата во име на заштитата на културните локалитети.
Според локалните медиуми, аукцијата за поранешната болничка црквичка ја добила Муслиманската асоцијација во Бергамо, која сакала да ја претвори зградата во уште една џамија во градот откако дала поголена понуда од Романската православна црква, која ја користела локацијата од 2015 година.
„Ломбардија ќе го искористи правото што го има и нема да има простор за жалба во врска со продажбата на црквата. Јас никогаш не би ја ставил црквата на продажба и зачуден сум што болничкиот менаџмент не сфатил колку е чувствително ова прашање. Веќе го контактирав отец Георге Валеску, шеф на романската православна заедница во Бергамо, за да го охрабрам и да ги илустрирам активностите што се преземаат за да се обезбеди заедницата да не го загуби своето место за црковна служба“, рече Фонтана, наведувајќи дека советот има намера да го заштити христијанството во Италија.
Лидерот на „Лига“, Матео Салвини, кој од јуни е италијански министер за внатрешни работи, пред националните избори претходно оваа година вети дека неговата партија ќе стави крај на секое неправилно или навредливо исламистичко присуство во Италија, предупредувајќи дека исламот како религија претставува опасност за медитеранската нација која се бореше со безброј инвазии и напади од муслиманскиот свет во изминатите два милениуми, вклучувајќи го и вековната опсада на Сицилија.
„Векови историја се изложени на ризик да исчезнат ако исламизацијата, која досега беше потценета, конечно победи”, изјави Салвини во јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија и се закани на Полска
Заменик-министерот за надворешни работи на Русија, Сергеј Рјабков се закани дека Русија ќе ги таргетира нуклеарните оружја и објектите на НАТО, доколку тие бидат распоредени во Полска. Тој рече дека заедничките нуклеарни мисии на НАТО во близина на руската граница се сметаат за закана за нејзината безбедност, пренесува руската државна агенција ТАСС.
„Да не кажам ништо за трајно распоредување, за што зборуваат жешките глави во Варшава. Затоа сите оние политичари кои разговараат за таква опција во Полска и во странство треба да разберат: соодветните капацитети неизбежно ќе бидат цел. Тие ќе бидат први на список на нашето воено планирање“, се закани тој.
Полска во понеделникот објави дека е подготвена да прифати нуклеарно оружје на своја територија доколку НАТО, чиј член е, одлучи да го зајакне своето источно крило бидејќи Русија распоредува ново оружје во Калининград и Белорусија.
„Доколку нашите сојузници одлучат да распоредат нуклеарно оружје на наша територија како дел од дистрибуцијата на нуклеарно оружје за да ја зајакнеме безбедноста на источното крило на НАТО, ние сме подготвени на тоа“, изјави Анджеј Дуда за весникот Факт.
„Војната меѓу Русија на Владимир Путин и НАТО би завршила со неизбежен пораз на Москва“, изјави денеска полскиот министер за надворешни работи Радослав Сикорски.
„Ние, Западот, не треба да се плашиме од конфликт со Путин, туку обратно“, рече Сикорски за време на говорот во Сејм, Долниот дом на полскиот парламент. Сикорски додаде дека рускиот воен и економски потенцијал „бледи во споредба со оној на Западот“, бидејќи НАТО има три пати повеќе воен персонал, три пати повеќе воздушен персонал и четири пати повеќе бродови од Русија.
Свет
Египет го достави предлогот на Хамас до Израел за едногодишен прекин на огнот во Газа
Египетските власти му доставија на Израел предлог изготвен од Хамас, со кој се бара едногодишен прекин на огнот во Појасот Газа во замена за радикалните Палестинци да ги запрат нападите врз израелските сили, објави ТВ каналот Ал Хадат со седиште во Дубаи.
Според извештаите, Египет го доставил предлогот на Хамас до израелската делегација. Изворите наведоа дека и Египет презентирал сопствена иницијатива, барајќи од Израел целосно да ја прекине операцијата во градот Рафах на југот на Појасот Газа во близина на египетската граница, пренесе ТАСС.
За возврат, египетските власти ветуваат дека ќе обезбедат „напредок во разговорите“ со радикалните палестински групи за ослободување на израелските заложници што ги држат во Појасот Газа, велат изворите.
На 1 декември 2023 година, израелската армија го обвини Хамас за кршење на примирјето што стапи на сила на 24 ноември и за продолжување на борбените операции во Појасот Газа.
Европа
Писториус: Русија произведува повеќе оружје отколку што и е потребно за војната во Украина
Германскиот министер за одбрана Борис Писториус тврди дека Русија произведува повеќе оружје отколку што и е потребно за да ја продолжи својата специјална воена операција во Украина.
Во интервју за телевизијата „АРД“, тој беше прашан дали го дели стравот на балтичките земји дека Русија ќе може да ја нападне територијата на НАТО за неколку години, тој одговори дека нема кристална топка за да ја предвиди иднината, пренесе ТАСС.
„Но, она што го велат воените експерти и специјалистите за оружје е дека Русија го зголемува производството на оружје“, рече тој.
Писториус истакна дека поголемиот дел од произведеното не се испраќа на фронт, туку оди во магацини. Според германскиот министер за одбрана, во случај на ескалација ќе биде вклучено целото НАТО.
„Во тој случај треба да можеме да се одбраниме, да водиме војна која ќе ни биде наметната. Затоа не штедиме напори за соодветно опремување на вооружените сили во Европа, во НАТО“, додаде тој.