Свет
Премиерката на Нов Зеланд стана прва светска лидерка што роди дете додека е на власт
Се породи премиерката на Нов Зеланд, Јацинда Ардерн, со што стана прв светски лидер во изминатите 30 години што имал дете додека е на власт. Веста дека родила девојче, таа ја објави на својот профил на „Инстаграм“. Ќерка ѝ се родила во 4.45 часот по локално време и тежи 3,31 килограми.
„Ви благодарам многу за најдобрите желби и вашата љубезност. Двете се чувствуваме добро благодарение на прекрасниот тим во градската болница во Окленд“, напишаа таа во својот пост. Ардерн била примена во болница вчера, а веќе неколку дена биле во исчекување да се породи.
Изминатите неколку дена медиумите преку блогови ги споделуваат најновите случувања во живо во очекување да се породи премиерката. Џеси Чијанг, радионовинар од Нов Зеланд, напиша на „Твитер“ дека таа и другите новинари биле во болницата од 6 часот наутро.
No baby yet…but they are feeding the media ? pic.twitter.com/864J1oqPzF
— Jessie Chiang (@je_chiang) June 21, 2018
„Сè уште нема бебе… но тие ги хранат медиумите“, напиша таа објавувајќи фотографија со маса преполна со храна обезбедена за новинарите што во болницата ја очекувале убавата вест.
Новозеланѓаните исто така шпекулираа за полот и за името на бебето. Еден корисник на „Твитер“ во четвртокот се пошегува: „Ако е машко, ќе биде Винстон Мајкл Џозеф Питер Норман Дејвид Дејвид Дејвид Филип Ендрју Гејфорд Ардерн“. Сепак, бебето има поголеми шанси да биде именувано како Оливер или Џек – двете најчести имиња за бебиња во 2017 година. Ако е девојче, може да биде Шарлот или Харпер, најчестите имиња за девојчиња, шпекулираа медиумите.
Корисниците на „Твитер“ поентираа дека ако бебето се роди в четврток, ќе има роденден заедно со принцот Вилијам и поранешниот пакистански премиер Беназир Буто, кој беше прв и досега единствен лидер што имал бебе додека бил на власт во 1990 година.
37-годишната премиерка, која беше избрана во октомври, ја објави својата бременост во јануари преку „Инстаграм“. Нејзиниот партнер, Кларк Гејфорд, е водител на серија риболовни документарни филмови, но ќе се откаже од работата за да остане дома и да се грижи за бебето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.