Свет
И САД и Русија побарале седница на Советот за безбедност за хемискиот напад во Сирија
Во Њујорк се очекуваат дури два состанока на Советот за безбедност при Обединетите нации, откако Русија и САД упатиле ривалски барања за одржување итни седници по тврдењата за хемиски напад во Сирија, објави Ројтерс. Русија побарала состанок поради меѓународни закани по мирот и безбедноста, иако се уште не е соопштена точната тема, објави Ројтерс, повикувајќи се на дипломатски извори.
Неколку минути подоцна, САД и уште осум земји побарале состанок на кој би се разговарало за наводниот напад со хемиско оружје во Сирија. Како што наведува Ројтерс, повикувајќи се на британската мисија во ОН, итен состанок на Советот за безбедност побарале САД, Велика Британија, Франција, Полска, Холандија, Шведска, Кувајт, Перу и Брегот на Слоновата коска.
Перу, кој е претседавач со Советот за безбедност, најпрво закажал состанок за денеска предпладне по локално време по американското барање, а по руското барање за попладне. Москва барала да се одржи состанок прво по нејзиното барање, бидејќи таа прва побарала.
САД и ЕУ ја обвинија сириската влада дека го извела хемискиот напад во Дума, град во источна Гута, кој е под контрола на бунтовниците. Американскиот претседател Доналд Трамп соопшти дека сирискиот претседател Башар ал Асад ќе плати висока цена за нападот. Сириската влада ги отфрли обвинувањата за било каков хемиски напад.
Руското министерство за надворешни работи соопшти дека наводите за хемиски напад во Сирија се лажни и дека секоја воена акција на основа на такви измислени и исфабрикувани изговори би можелка да доведе до тешки последици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.