Свет
Каде најмногу се пренесува коронавирусот?
Германскиот Институт „Роберт Кох“ (РКИ) спроведе анализа според која од 27 октомври најголем број од заболените со Ковид-19 се заразиле на приватни собири.
„Домаќинствата се најчестите места за зараза. Исто така, голема и моментално растечка област на ширење на вирусот се домовите за стари лица, а потоа работните места. Стапката на инфекција е многу помалку поврзана со слободното време кое е тешко погодено од заклучувањето“, пренесуваат германските медиуми.
Бројот на инфекции во областа на медицината, на пример во болници, клиники или операции, е релативно мал, но тој број во последно време значително расте. Слично е со училиштата, градинките или домовите за бегалци. Рестораните, хотелите и пансионите имаат многу мал удел во бројот на заболени во Германија, а во исто време тие се најтешко погодени од новите мерки.
Според Институтот, ризикот од инфекција во јавниот превоз се чини дека е уште помал. Но, тоа може да се должи и на остриот пад на бројот на патници во автобусите и возовите во Германија.
Берлинскиот Институт наведува дека има разлика во местата каде што најмногу се шири вирусот во првиот и во вториот бран на пандемијата.
Среде првиот бран на пандемијата во Германија, домовите за стари лица и домовите за нега на немоќни лица беа поголем извор на инфекција од приватните домаќинства. И медицинскиот сектор, особено болниците, и домовите за бегалци биле многу почести места на инфекција отколку што се сега.
Училиштата и градинките речиси немаа никаква улога во пандемијата во текот на пролетта затоа што тие беа затворени во тоа време.
За жал, податоците на Институтот во моментот се прилично нецелосни. Статистичките податоци од берлинскиот институт бележат само пријавени случаи со две или повеќе меѓусебно поврзани инфекции. РКИ, исто така, признава: „Приближно само една четвртина од вкупно пријавените случаи на Ковид-19 спаѓаат во оваа категорија“.
На прашањето на „Дојче веле“ за преостанатите 75% од случаите во Германија, РКИ признава: „Всушност, немаме повеќе податоци“.
Ова значи дека за три четвртини од заболените во Германија не се знае од каде го добиле вирусот. Од една страна, ова се должи на комплексноста на сигурно утврдување каде се појавила инфекцијата, бидејќи некои луѓе остануваат асимптоматски неколку дена пред да се појават симптомите. Утврдувањето на изворот на инфекцијата и контактот тогаш е речиси невозможно.
Од друга страна, недостигот на сигурни и целосни информации отежнува да се одговори прецизно на пандемијата – и не само во Германија, туку во целиот свет.
Но, податоците од други земји покажуваат слични трендови како во Германија. Студиите во Јужна Кореја, исто така, ги идентификуваат приватните домаќинства како место каде што најмногу се шири вирусот, каде што едно лице има шест пати поголема веројатност да биде заразено отколку на друго место. И едно кинеско истражување проценува дека 69 отсто од заболените го добиле вирусот во приватните домаќинства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.