Свет
Канадски политичар заборавил да ја исклучи камерата, па неговите колеги го виделе гол
Пратеникот во Канада стана хит на интернет кога се појави целосно гол на виртуелен состанок преку „Зум“.
Либералниот пратеник Вилијам Амос (46), кој претставува делови од Квебек, бил забележан потполно гол за време на состанокот на пратениците од долниот дом.
Видеото во живо од состанокот е емитувано јавно, но Амос не зборуваше на него, пренесува „ЦТВ њуз“. Тој заборавил да ја исклучи камерата кога почнал да се преоблекува.
Не е јасно кој ја испратил снимката од „Зум“ до новинарите.
Амос, кој е оженет и има две деца, се извини за несреќната грешка.
„Моето видео случајно остана вклучено додека се преоблекував во работна облека по џогирање. Искрено им се извинувам на моите колеги од долниот дом за ова ненамерно одвлекување внимание. Очигледно е дека тоа беше несреќна грешка и нема да се повтори“, рече тој.
I made a really unfortunate mistake today & obviously I’m embarrassed by it. My camera was accidentally left on as I changed into work clothes after going for a jog. I sincerely apologize to all my colleagues in the House. It was an honest mistake + it won’t happen again.
— Will Amos (@WillAAmos) April 14, 2021
Неговото појавување на „Зум“ предизвика многубројни шеги и кај пратениците.
Пратеничката Клод Дебелфеј рече дека инцидентот може да биде точка на дневниот ред.
„Можеби е потребно да се потсетат членовите, особено мажите, дека вратоврската и јакната се задолжителни, но исто така и кошулата, боксерките или панталоните“, рече таа на француски јазик.
Таа го коментира и физичкиот изглед на Амос.
„Видовме дека членот е во одлична физичка форма, но мислам дека треба да се потсетат членовите да бидат внимателни и добро да ја контролираат камерата“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и појасот Газа и враќање на палестинските бегалци во согласност со меѓународните резолуции”
Во интервју за Асошиетед прес, тој додаде дека во тој случај военото крило на Хамас ќе биде распуштено.
„Сите искуства на луѓето кои се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафах нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот Искандер
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили Илја Јевлаш во телевизиски пренос. Според првичните информации, во нападот бил употребен проектил Искандер-К, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на Телеграм гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија Украинските железници Укрзализница на Телеграм.
Свет
(Видео) Пратеник во ЕУ пушти гулаб во знак на мир
Словачки пратеник во Европскиот парламент денеска привлече внимание со пуштање жива птица од говорницата по неговиот говор. Како што рече, тоа го направил во знак на мир во светот.
На збунетост и изненадување на присутните претставници во Стразбур, Мирослав Радачовски, лидер на десничарската партија Словачки патриот, посегна во чантата што ја имаше под јакната и го пушти гулабот да одлета во собраниската сала.
Тој рече дека „сака мир за целиот свет, за Русите и Украинците“.
„Би сакал да го ослободам овој гулаб како симбол на мирот, да симболизирам дека на Европа и треба мир. Да оставиме овој гулаб да не обедини сите“, рече Радачовски.
Сепак, иако сакаше да ги обедини присутните, некои ги згрози.
Каролин Руз, француска пратеничка во Европскиот парламент од редовите на Зелените, го критикуваше велејќи дека користел живо животно за да даде политичко мислење, што е спротивно на правилата на парламентот.
„Тој употреби животно, скриено во неговата торба како едноставен предмет, само за да даде изјава за мир денес. Што ќе направите за да го вратите ова животно, господине? Каде е благосостојбата на животните во гестот на овој говорник? Сметам дека ова е апсолутно неприфатливо“, рече Руз.
Додека птицата леташе низ салата, друг колега го праша Радачовски: „Можеш ли да ја фатиш“.
Јан-Кристоф Отјен, заменик-претседател на парламентот, рече дека инцидентот ќе биде пријавен кај претседателот на домот, додавајќи: „Се надеваме дека животното ќе биде добро“.