Свет
Кандидат на мексиканските локални избори ја почна кампањата од мртовечки ковчег
Карлос Мајорга, мексикански кандидат на локалните избори, ја почна својата политичка кампања пред неколку дена од отворен мртовечки ковчег предупредувајќи на стапката на насилство во градот Хуарез, кој стана град на мртвите поради комбинација на пандемијата и небрежноста на сегашните власти.
На предизборниот митинг, што се одржал на мостот меѓу мексиканскиот пограничен град Хуарез и Ел Пасо, Тексас, Мајорга пристигнал во мртовечки ковчег. Тој бил придружуван од неговите соработници облечени во заштитна медицинска опрема носејќи букети цвеќе во рацете, со цел да привлече внимание на бројот на жртвите на коронавирусот, кој надминува 200.000.
„Одлучивме да ја почнеме нашата политичка кампања од ковчегот затоа што сакаме да им испратиме порака на политичарите дека луѓето умираат таму поради нивната рамнодушност“, рече Мајорга и додаде: „Истите политичари, кои претходно молчеа поради високата стапка на организираниот криминал, молчат и сега кога се соочени со хаотична ситуација поради Ковид-19“.
Градот Хуарез се наоѓа во северната држава Чивава на границата со САД, во округот во кој работи Мајорга и е еден од деловите на Мексико најпогодени од криминал.
Илјадници кандидати за пратеници, гувернери и градоначалници веќе ја почнаа кампањата за изборите што ќе се одржат во јуни. За сериозноста на ситуацијата за која предупредува Мајорга, покажува и фактот дека досега починале 16 кандидати во кампањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година, кога изнесуваше 7,5 милијарди швајцарски франци, пренесува Ројтерс.
Регион
(Видео) Во Хрватска падна снег
На подрачјето на Горски котар во Хрватска синоќа падна снег, а на места имаше и вистинска снежна покривка.
Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.
Свет
Лидерот на Северна Кореја ја надгледуваше воената вежба: се симулираше нуклеарен контранапад
Северна Кореја ги изведе своите први воени вежби кои симулираа нуклеарен контранапад, објави државната новинска агенција на земјата KCNA, како и други државни медиуми.
Врховниот водач Ким Џонг-ун ја надгледуваше вежбата која беше дел од тестот на системот за управување со нуклеарно оружје на нацијата.
Покрај тоа што севернокорејското раководство сака да ја тестира различноста на сопствените нуклеарни капацитети, тоа беше, според КЦНА, протест против американските и јужнокорејските „провокативни и инвазивни“ воени вежби.
Симулациските вежби на севернокорејската војска вклучуваа маневрирање на војниците во позиција за нуклеарен контранапад и истрелување на лажни нуклеарни боеви глави во случај на предупредување за нуклеарна криза.
Во таа прилика беа истрелани неколку балистички ракети со краток дострел кон морето, во близина на источниот севернокорејски брег.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.