Свет
Каспаров: Ме нарекоа поттикнувач кога во 2014 година реков дека Путин нема да застане на Крим
Поранешниот светски шампион во шах Гери Каспаров на Твитер ги критикуваше западните сили и НАТО за нивниот однос кон руската инвазија на Украина. Тој го обвини Западот дека веќе ја предава Украина на Русија и повика на посилна помош за нападнатата земја.
Познатиот шаховски велемајстор, продемократски активист и еден од лидерите на руската опозиција, претходно повика на посилна интервенција на членките на НАТО, се залагаше за изнаоѓање замена за рускиот гас и ги предупреди сојузниците на Путин во САД и Европа.
I was called a warmonger in 2014 when I said Putin would not stop with Crimea & E Ukraine. Now everyone admits that I was right, but wants to repeat the same mistake now. Letting Putin destroy Ukraine *increases* the threat of a greater conflict, including nuclear.
— Garry Kasparov (@Kasparov63) March 21, 2022
„ Ме нарекоа поттикнувач на војна во 2014 година кога реков дека Путин нема да застане со Крим и Украина. Сега сите признаваат дека сум бил во право, но сакаат да ја повторат истата грешка. Дозволувањето на Путин да ја уништи Украина ја зголемува заканата од поголем конфликт, вклучително и нуклеарен.
Путин бомбардира болници, засолништа и пензионерски домови во Украина. Но, ни беше кажано дека слободниот свет не смее да дејствува за да помогне освен ако тие болници, засолништа и пензионерски домови не се во одредени линии на мапата. Тие животи се важни. Овие деца се важни.
Не станува збор за НАТО. Не постои договор кој вели дека на САД и на другите големи сили од слободниот свет им е забрането да ја бранат Украина, која умира да ги заштити. Има само страв, истиот страв што ги спречи да направат нешто во 2014 година, и нѐ донесе овде каде што сме сега.
Администрацијата на Бајден и неговите бранители во медиумите ги повторуваат аргументите на администрацијата на Обама и неговите бранители во 2014 година. Херојска воздржаност! Такво раководство! Светлечки глави, велемајстор Каспаров, да почекаме да видиме! Чекавме и сега гледаме“ напиша Каспаров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.