Свет
Ким Џонг-ун доби нова титула, но неговата сестра ја нема на листата на Политбирото
Севернокорејскиот лидер Ким Џонг-ун е избран за генерален секретар на владејачката Работничка партија на конгресот во Пјонгјанг.
Неговото назначување доаѓа по ревизијата на статутот на партијата, со што се врати секретарскиот систем, кој беше укинат на претходниот конгрес во 2016 година, пренесува јужнокорејската агенција „Јонхап“, повикувајќи се на севернокорејската официјална агенција КЦНА.
Името на сестрата на севернокорејскиот лидер Ким Џонг-ун го нема на новиот список на членови на Политбирото на владејачката Лабуристичка партија, објавија државните медиуми и покренаа прашања за нејзиниот сегашен статус по долгогодишното силно политичко влијание.
На вчерашните избори за членови на Централниот комитет, на кои се трасирани петгодишните дипломатски, воени и економски цели на Северна Кореја, Ким Jо-џонг се појави како член на Централниот комитет, но не и како член на Политбирото, се вели во извештајот на севернокорејската државна агенција.
Во 2017 година сестрата на севернокорејскиот лидер стана втората жена што влезе во ексклузивното Политбиро во патријархалната Северна Кореја, по нејзината тетка Ким Кјонг-хуи, а до неодамна беше втора во командниот синџир, веднаш зад нејзиниот брат.
„Прерано е да се извлечат заклучоци за нејзиниот статус, имајќи предвид дека Ким Јо-џонг е сè уште член на Централниот комитет. Постои можност таа да презела и други важни државни функции“, рече Лим Еул-чул, професор по севернокорејски студии на Универзитетот во Сеул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.