Свет
Кина е сè поагресивна, вели американскиот министер за одбрана
САД ќе го завршат својот дел од работата за да се намалат тензиите со Кина и да се спречи конфликт, иако Пекинг станува сè поагресивен во азискиот регион, вклучително и областа во близина на Тајван, изјави американскиот министер за одбрана, Лојд Остин.
Односите меѓу Кина и САД се затегнати во последните месеци, при што двете најголеми светски економии се судрија за различни прашања, од Тајван и човековите права во Кина до воените активности на земјата во Јужното Кинеско Море.
Обраќајќи се на безбедносната конференција за дијалог Шангри-ла, Остин рече дека САД ќе продолжат да стојат на страната на своите сојузници, вклучително и Тајван.
„Ова е особено важно имајќи предвид дека Народна Република Кина покажува зголемена принуда и агресија во нејзините територијални претензии“, додаде тој. Кина тврди дека Тајван е нејзин и вети дека ќе го земе на сила доколку е потребно.
На состанокот меѓу Остин и кинескиот министер за одбрана Веи Фенгхеј, двете страни ја повторија желбата за подобро управување со нивните односи, иако немаше знаци дека ги надминале разликите.
Портпаролот на кинеското Министерство за одбрана рече дека Веи на состанокот со Остин порачал: „Ако некој се осмели да го одвои Тајван од Кина, кинеската војска нема да се двоуми ниту за момент да започне војна, без оглед на цената“.
Според кинеското Министерство за одбрана, Пекинг, кој го смета Тајван за составен дел од својата територија, ќе го пресече на илјада парчиња секој обид за независност. Остин му рекол на Веи дека треба да воздржаност од каква било нова дестабилизирачка акција во регионот, соопшти Пентагон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.