Свет
Кина има тајни затвори за Ујгурите во Дубаи, тврди поранешна затвореничка
Кинеската државјанка Ву Хуан (26) тврди дека таа и двајца Ујгури-муслимани биле држени од Кина во таен затвор во Дубаи, во кој таа била затворена осум дена, пренсува Асошиејтед прес.
Ако нејзините тврдења се точни, ова може да биде првиот доказ дека Кина има тајни затвори надвор од своите граници.
Хуан била ослободена на 6 јуни и сега бара азил во Холандија. Таа е во бегство за да избегне екстрадиција назад во Кина бидејќи нејзиниот вереник се смета за кинески дисидент.
Девојката била киднапирана од хотел во Дубаи и приведена од кинески официјални лица во вила преуредена во затвор, каде што видела или слушнала двајца други затвореници, и двајцата Ујгури.
Таа тврди дека била испрашувана и принудена да потпишува правни документи со кои го обвинува својот вереник за малтретирање и за силување.
Според АП, ако сведочењето на Ву е точно, ова би докажало дека Кина се повеќе ја користи својата меѓународна моќ за притворање или за враќање на граѓаните од странство, без разлика дали се дисиденти, осомничени за корупција или се припадници на етнички малцинства како Ујгурите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.