Свет
Кина ѝ понуди на Латинска Америка милијарда долари за пристап до вакцината против коронавирусот
Кинескиот министер за надворешни работи, Ванг Ји, најави дека на Латинска Америка и на Карибите ќе им позајми 1 милијарда американски долари за пристап до вакцината против коронавирусот, се вели во соопштението објавено од мексиканското Министерство за надворешни работи.
Ји посочи дека вакцината развиена во неговата земја ќе биде јавна корист на универзалниот пристап и дека Кина ќе им го поддржи пристапот на Латиноамериканците до вакцината со милијарда долари.
За време на вчерашниот брифинг, мексиканскиот претседател, Андрес Мануел Лопез Обрадор, ѝ се заблагодари на Кина по најавувањето на заемот.
„Ние многу сме им благодарни на Кина, кинеската влада и на претседателот. Голема медицинска помош досега ни пристигна од Кина и сега ја имаме оваа поддршка“, рече Обрадор.
Според кинеските власти, Кина, Латинска Америка и Карибите, иако се разделени со океаните, останале заедно во практична борба против коронавирусот.
Латинска Америка во мај стана глобален епицентар на коронавирусот. Анализите на Си-ен-ен за податоците на Универзитетот „Џон Хопкинс“ покажуваат дека Латинска Америка и Карибите претрпеле повеќе смртни случаи како резултат на Ковид-19 отколку Америка и Канада.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.