Свет
Кина конечно ги ублажи мерките за корона, нема повеќе задолжителен ПЦР-тест на секој агол
Кинеските власти одлучија да ги олеснат мерките за карантин за заразените со коронавирус. Надлежните велат дека луѓето со асимптоматски или благ коронавирус сега ќе можат да бидат ставени во карантин дома, наместо во државни институции, што значително ќе ја олесни политиката „нулта ковид“, која предизвика гнев кај населението по неколкумесечни ограничувања.
Новите мерки ќе значат дека оние кои ги чувствуваат симптомите на Ковид-19 ќе можат да останат дома и да го пријават резултатот од тестот до самите власти. Земјата го укина и задолжителниот ПЦР-тест како услов за влез во повеќето институции и установи, освен во болниците и училиштата.
Олеснувањето на мерките доаѓа само една недела откако избувнаа граѓански протести низ целата земја против строгата политика за нулта ковид. Централизираниот карантин стана крајно непопуларен и предизвика незадоволство бидејќи првенствено ги раздвои семејствата – со тоа што болното лице беше физички одвоено од здравото.
Властите, исто така, ревидираа неколку други мерки, кои го вклучуваат следново:
– Карантинот треба да се примени на попрецизно идентификувани области, како што е одредена зграда или кат во заедница, без да се затвори цела населба или општина.
– Високоризичните области треба да излезат од карантин во рок од пет дена доколку не се откријат нови случаи.
– Училиштата да останат отворени доколку нема зголемување на бројот на заболени.
– Новите насоки вклучуваат и строга забрана за блокирање на противпожарните излези и врати за жителите на високите згради да имаат пристап до итна медицинска помош, но и отворен пат за бегство во случај на несреќа.
Освен релаксирање на мерките, надлежните се обидуваат да ја забрзаат и вакцинацијата на старите лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите кои ќе траат шест недели, а ќе гласаат околу 970 милиони гласачи
Денеска започнаа најголемите избори во светот, а околу 970 милиони регистрирани гласачи во Индија учествуваат во овој огромен процес кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарди жители. Гласачите всушност не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави Дојче веле.
На натпреварот учествуваат шест национални партии, 57 партии од индиски сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формираше сојуз од 28 партии наречен Индискиот национален развој инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира откако ќе се разјасни неговата природа.
– Во секој случај, без разлика на се, продолжуваме да се залагаме за воздржаност од двете страни за да нема дејствија што би предизвикале натамошна ескалација на тензиите во регионот – рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала Шахед од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.