Свет
Кина повикува на почитување на „принципот на неделива безбедност“ во Украина
Постојаниот претставник на Кина во Обединетите нации, Џанг Јун, ги повика сите земји вклучени во украинската криза да се придржуваат до принципот на „неделива безбедност“ и да избегнуваат преземање какви било активности што би можеле да ги влошат тензиите, објави кинеската државна телевизија.
„Во сегашниот контекст, сите засегнати страни треба да се воздржат и да избегнуваат преземање какви било активности што би можеле да ги влошат тензиите“, рече Јун на состанокот на Генералното собрание на ОН за Украина.
„Кина со внимание ја следи ситуацијата што се развива во Украина. Позицијата на Кина за заштита на суверенитетот и територијалниот интегритет на сите држави е конзистентна. Заеднички треба да се поддржат целите и принципите на Повелбата на ОН“, подвлече тој.
Џанг ја истакна и сложеноста на украинското прашање.
„Забележуваме дека прашањето за Украина е вкоренето во сложена мрежа на историски и актуелни фактори. Заемната игра на овие фактори ја доведе ситуацијата до оваа точка“, рече тој.
„Кина ги повикува сите страни да ја препознаат важноста од спроведувањето на принципот на неделива безбедност, да продолжат да водат дијалог и консултации и да бараат разумни решенија“, рече тој.
Принципот на неделива безбедност, дефиниран во Хелсиншкиот акт од 1975 година, значи дека безбедноста треба да се гледа како колективен концепт, така што доколку со постапките на една држава се загрозува безбедноста на друга, тој принцип се нарушува.
Кинеската државна телевизија објаснува дека според овој принцип ниту една земја не треба да ја зајакнува својата безбедност на сметка на друга и дека Русија смета дека проширувањето на НАТО на исток ја загрозува нејзината безбедност.
Изјавата на кинескиот претставник во ОН доаѓа како резултат на руската инвазија на Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.