Свет
Кина ќе учествува во стратешките вежби во Русија заради „јакнење на стратешкaта воена соработка“
Министерството за одбрана на Кина соопшти дека кинеските војници ќе учествуваат во стратешките вежби „Исток-2018″ во Русија, објави ТАСС .
Според постигнатиот договор меѓу Кина и Русија, земјите ќе организираат заеднички вежби на полигонот Цугол во Забајкалскиот Регион од 11 до 15 септември (годинава), велат од Министерството.
Во извештајот се истакнува дека „вежбите имаат цел зајакнување на руско-кинеската стратешка воена соработка, зајакнување на потенцијалот на земјите во областа на заедничката реакција на различни закани за безбедноста, како и за одржување на мирот, стабилноста и безбедноста во регионот”.
Според информација на Военото министерство на Кина, на заедничките вежби во Русија ќе бидат испратени „околу 3200 војници, повеќе од 900 единици различни видови оружје, како и 30 хеликоптери и летала со неподвижни крила”.
Маневрите „Исток-2018″ ќе се одржат во август и септември со учество на сили и средства од Источниот и Централниот воен округ и Северната флота на Русија. Стратешките вежби ќе бидат главните маневри за оваа година за воената авијација на Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.