Свет
Кинеската вакцина против Ковид-19 ќе биде достапна во декември и ќе чини 150 долари
Кинеската вакцина против Ковид-19 со неактивна компонента, направена од фармацевтската корпорација „Синофарм“, ќе биде достапна на пазарот во декември годинава по цена од околу 150 долари, објави претседателот на компанијата, Лиу Џингжен.
Тој рече дека тоа ќе биде можно по завршувањето на третата фаза на клиничките испитувања.
„По завршувањето на третата фаза на меѓународните клинички испитувања, можеме да регистрираме вакцина со неактивна компонента. Според нашите проценки, таа би можел да се појави на пазарот до крајот на годината“, рече Лиу, објави весникот „Гуангминг рибао“.
Тој додаде дека Институтот за биолошки производи од Пекинг може да направи до 120 милиони вакцини годишно, а Институтот за биолошки производи од Вухан уште 100 милиони.
„Јас лично добив две дози од оваа вакцина и нема несакани ефекти“, рече Лиу.
Тој додаде дека цената на вакцината по нејзиното пристигнување на пазарот нема да биде премногу висока и дека двете дози ќе чинат околу 1.000 јуани (144 долари).
„Со една доза имате веројатност за заштита од околу 97 проценти, антителата се развиваат бавно. Обично е потребно половина месец за да се постигне ниво доволно за да се спротивстави на Ковид-19. Ако добиете две дози, веројатноста за заштита може да достигне 100 проценти“, забележа официјалниот претставник на кинеската компанија.
Тој рече дека интервалот помеѓу двете дози е обично 28 дена.
Лиу напомена дека не треба да се вакцинира целото население во Кина, но дека вакцината мора да ја примат луѓе кои живеат во густо населени места.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.