Свет
Кинеска лабораторија тврди дека годинава ќе има лек за коронавирусот
Кинеска лабораторија развива лек за кој верува дека може да спречи пандемија на коронавирусот и да биде подготвен за масовно производство подоцна оваа година.
Лекот базиран на антитела, развиен на престижниот Универзитет во Пекинг, го скратува времето на закрепнување кај пациенти со Ковид-19, но исто така создава краткорочен имунитет на вирусот, велат истражувачите.
Суни Кси, директор на Универзитетскиот иновативен центар за геномика, посочува дека лекот се покажал успешен кај животните.
Кси исто така рече дека количината вирус кај заразените глувци е значително намалена по вшприцувањето неутрализирачки антитела.
„Ова покажува дека потенцијалниот лек исто така има и терапевтски ефект“.
Лекот користи неутрализирачки антитела произведени од човечкиот имунолошки систем за да спречи вирусот да влезе во клетката. Антителата биле изолирани од крвта на 60 оздравени пациенти.
Напис за истражувањето беше објавен во научното списание „Клетка“. Кси посочува дека неговиот тим деноноќно барал антитела.
Тој додаде дека лекот треба да биде подготвен за употреба подоцна оваа година, навреме за можен втор бран на пандемијата во зима. Во моментот заразени со коронавирус се 4,8 милиони луѓе, а 315.000 починале.
„Планирани се клинички испитувања“, рече Кси додавајќи дека тие ќе се спроведат во Австралија и во други држави бидејќи бројот на заболени во Кина рапидно се намалил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повеќе од половина Србија обоена во жолто: Итно предупредување поради можно невреме
Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем, Белград, Западна Србија, Поморавље и Шумадија, со цел да се предупреди за можна појава на грмежи.
Се очекува слаб до умерен дожд во областа Бачка.
Во Бачка во следните два часа на места ќе има врнежи од дожд со слаб до умерен интензитет.
Инаку, жолтиот метео аларм се „вклучува“ кога времето може да биде потенцијално опасно, поточно кога се предвидуваат опасни временски појави.
„Тие се со таков интензитет што можат да предизвикаат материјална штета и да бидат опасни за луѓето и животните. Треба да бидете многу внимателни, свесни за ризиците и редовно информирани за деталите за очекуваните метеоролошки услови“ велат од надлежните државни служби.
Свет
Американскиот Сенат одобри помош од 95 милијарди долари за Украина, Израел и Тајван
Американскиот Сенат усвои закон со кој се одобрува пакетот безбедносна помош за Израел, Украина и Тајван во вкупна вредност од 95 милијарди долари.
За усвојување на законот кој го изгласа Конгресот по неколкумесечно одложување гласаа 79 сенатори, а против 18, што е многу повеќе од потребното мнозинство во Сенатот од 100 членови за законот да биде усвоен.
За да стапи на сила законот, треба да го потпише американскиот претседател Џозеф Бајден.
Пакетот за помош предвидува 61 милијарда долари за Украина, 26 милијарди за Израел и околу 8,12 милијарди за „контра комунистичка Кина“ во Индо-пацификот, додека четвртиот дел од пакетот е наменет за мерки што ќе доведат до потенцијална забрана на апликацијата TikTok во САД, мерките според кои замрзнатите руски средства ќе бидат префрлени во Украина и ќе бидат воведени нови санкции кон Иран, пренесува Ројтерс.
„Ќе го потпишам овој предлог-закон веднаш штом ќе пристигне на моето биро утре и ќе им помогнам на Американците за да започнеме со испраќање оружје и опрема во Украина оваа недела. Потребата е итна: за Украина, која се соочува со немилосрдно бомбардирање од Русија, за Израел, кој штотуку се соочи со невиден напад од Иран, за бегалците и оние кои се погодени од конфликти и природни катастрофи низ светот, вклучително и во Газа, Судан, Хаити. “, рече Бајден.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.