Свет
Кинеските компании ги повикаа странските извозници да ги дезинфицираат пратките со месо
Кинеските увозници и преработувачи на месо ги повикаа извозниците од земјите каде што пандемијата на Ковид-19 сè уште не е ставена под контрола да ги засилат проверките на пратките пред испораката, соопшти водечкото кинеско здружение.
Кина ја засили дезинфекцијата и тестирањето на вирусот врз замрзната храна откако откри коронавирус на производи од увоз и на амбалажа.
Мерките ги зголемија трошоците, ја нарушија трговијата и ги вознемирија големите извозници, забележува „Ројтерс“.
Кинеската асоцијација за месо истакнува дека пријавените случаи покажале дека луѓето можат да се заразат од контакт со амбалажа контаминирана со коронавирус.
„Кина увезуваше големи количини месо оваа година и многу пати го откри вирусот на пакувањето производи од ладен синџир и покрај честата дезинфекција“, објасни портпаролот на кинеското здружение за месо, Гао Гуан.
Би било подобро да се изврши контрола на вирусот на местото на потекло и да се изврши дезинфекција во производствените капацитети затоа што трошоците би биле помали, а ефикасноста поголема, рече Гао.
Здружението исто така предлага извозниците во земјите погодени од коронавирус да ја дезинфицираат надворешната амбалажа на производот и внатрешноста на контејнерот пред да се запечати.
Ова ќе ја гарантира безбедноста на увезената храна од ладни синџири и ќе ја зголеми довербата на потрошувачите во увезените производи со ладен синџир“, се вели во него.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.