Свет
Климатските промени ќе доведат до топење на голем дел од мразот на Хималаите
Најмалку една третина од мразот на Хималаите, вклучувајќи го и оној на највисоките светски врвови Монт Еверест и К2, ќе се стопи до крајот на овој век, се тврди во една студија објавена во понеделникот.
Во извештајот, кој се потпира на претходни студии на истиот проблем, исто така се додава и дека ова ќе се случи, дури и ако се преземат итни мерки за намалување на емисиите на штетни гасови и се постигнат целите поставени во парискиот договор.
Водата од глечерите во тој регион се влева во 10 поголеми реки, со што се обезбедува вода за пиење, наводнување и енергетски потреби за речиси 1,9 милијарда луѓе, односно речиси една четвртина од светското население.
„Последиците ќе бидат екстремни. Загрижени сме. Потребни се итни мерки“, велат авторите на студијата.
Глечерите во тој регион се топат уште од 70-тите години, но во последните децении се забележува забрзано топење, што предизвикува сериозна економска штета и поплави, одрони и смртоносни епидемии. Доколку не се преземат мерки, тоа ќе има последици врз снабдувањето со храна и вода, што ќе доведе до раселување на населението.
Речиси 70 отсто од луѓето во овој регион се земјоделци, а климатските промени сериозно ќе влијаат врз намалувањето на количината храна што тие ќе може да ја одгледуваат, се додава во студијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.