Свет
Ковид-19 влегува во мозокот и може да биде автоимуно заболување, покажа научно истражување
Нова студија на Универзитетот Јејл открива дека критичните пациенти од Ковид-19 диспропорционално поседуваат таканаречени „автоантитела“ кои го вооружуваат имунолошкиот систем против нив, што ја прави нивната состојба далеку полоша.
Истражувачите користеле напредна техника за скрининг на 170 хоспитализирани пациенти за да откријат „автоантитела“ што му нанесуваат штета на пациентот напаѓајќи ги неговите органи и имунолошкиот систем, место да се насочат кон вирусот.
Тие ги споредиле антителата со оние од лица кои имале полесни или асимптоматски инфекции, како и оние кои не биле заразени.
Кај хоспитализираните Ковид-19 пациенти, откриени се автоантитела кои може да ја нарушат работата на имуниот систем иако, во суштина, биле направени за да се пренесат на непријателот, на вирусната страна.
Присуството на автоантитела било неколкупати откриено кај најкритични пациенти со Ковид-19, а тестовите врз глувци покажале дека автоантителата веројатно ја влошиле болеста. За жал, истражувачите не пронашле никакви специфични авто-антитела на Ковид-19 кои би можеле да го предупредат медицинскиот персонал за потенцијален развој на тежок случај кај пациентите.
Мистеријата околу различната сериозност на болеста останува, но истражувањето сугерира дека луѓето со веќе постојни автоантитела во нивните системи, најверојатно се изложени на поголем ризик од сериозен напад на Ковид-19.
Истражувањето, кое допрва треба да се рецензира, ја поддржува идејата дека, барем за некои пациенти, Ковид-19 може да се смета за автоимуна болест активирана од коронавирусот.
Неколку претходни студии открија дека пациенти без историја на автоимуни заболувања ги развиле овие автоантитела по контакт со Ковид-19. Има и истражување кое покажува дека пациентите со тешка инфекција со Ковид-19, исто така, можат да развијат автоантитела на интерфероните – друга клучна компонента за способноста на луѓето да се борат против вирусни инфекции.
Во дополнителна студија објавена оваа недела во Nature Neuroscience, откриено е дека шилестиот протеин на вирусот е способен да ја премине крвно-мозочната бариера кај глувците, што сугерира дека истото може да биде можно и кај луѓето и може да објасни некои од загрижувачките когнитивни проблеми поврзани со тешка инфекција со Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите кои ќе траат шест недели, а ќе гласаат околу 970 милиони гласачи
Денеска започнаа најголемите избори во светот, а околу 970 милиони регистрирани гласачи во Индија учествуваат во овој огромен процес кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарди жители. Гласачите всушност не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави Дојче веле.
На натпреварот учествуваат шест национални партии, 57 партии од индиски сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формираше сојуз од 28 партии наречен Индискиот национален развој инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира откако ќе се разјасни неговата природа.
– Во секој случај, без разлика на се, продолжуваме да се залагаме за воздржаност од двете страни за да нема дејствија што би предизвикале натамошна ескалација на тензиите во регионот – рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала Шахед од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.