Свет
Командант на Хамас пребегал во Израел со доверливи документи
Висок воен командант на Хамас пребегал во Израел откако беше откриено дека соработува со еврејската држава како шпион, објави саудискиот канал „Ал Арабија“.
Според извештајот, во кој се наведуваат палестински извори, пребегантиот бил поморски командант задолжен за нуркачката единица на бригадите „Изз ад-Дин ал-Касам“ – воено крило на Хамас.
Според палестинскиот весник „Амад медиа“, командантот избегал од Појасот Газа управуван од Хамас на израелски поморски брод и со себе понел пари, опрема за набудување и лаптоп со класифицирани, опасни документи.
Повеќе од 16 апсења беа извршени од лидерите на Хамас, кои се во „состојба на хистерија“, се вели во извештајот. Министерството за внатрешни работи на Хамас во неделата остро ги негираше извештаите.
„Ги отфрламе фабрикуваните шпекулации објавени од ‘Ал Арабија’, кои му припишуваа изјави на Министерството за внатрешни работи за апсење на неколку членови на Хамас под обвинение за соработка со Израел. ‘Ал Арабија’ практикува измама и работи на ширење шпекулации и лаги “, се вели во изјавата на терористичката група со седиште во Газа.
Во април, Хамас соопшти дека уапсил голем број Палестинци кои шпионирале за Израел. Еден од нив беше активист за мир, кој воспоставил повик на платформата „Зум“ со Израелците, а беше уапсен под обвинение за предавство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.