Свет
Конгресменот Крис Марфи: Трамп го упропасти нашиот пуч во Венецуела
Поплаките на Демократската партија од претседателот Доналд Трамп се многубројни, но сепак најновите можеби се најбизарни досега. Еден сенатор тврди дека дрскиот карактер на Трамп упропастил совршен државен удар во американски стил во Венецуела, пренесува РТ.
Да се прашуваше сенаторот Крис Марфи, лидерот на венецуелската опозиција, Хуан Гваидо, сега ќе беше во претседателската палата во Каракас по успешното соборување на претседателот на Венецуела, Николас Мадуро. И покрај поддршката што САД му ја дадоа на Гваидо минатата година, планираниот пуч на младиот политичар беше неуспешен, а Марфи го обвинува Трамп за таа загуба.
Бидејќи Комитетот за надворешни работи во Сенатот во вторникот расправал за дебаклот, Марфи го претставил списокот со жалби против главниот поттикнувач на пучот.
1/ Today, the Senate Foreign Relations Committee holds a hearing on the Trump Administration’s Venezuela policy.
Short story – it’s been a case study in diplomatic malpractice, and I want to tell you the quick story of how Trump’s bungling has empowered a brutal dictator.
— Chris Murphy (@ChrisMurphyCT) August 4, 2020
Прво, Трамп не успеа да ги убеди Русија, Куба и Кина да го напуштат Мадуро. Што се однесува до Русија, Марфи тврди дека претседателот е свиткан околу прстот на Владимир Путин, а во однос на Кина, Марфи го критикувал Трамп зашто им дал приоритет на трговските прашања на САД пред интервенционистичките авантури во странство.
Она што следуваше, рече Марфи, беше комедија од грешки, од агитирање за неуспешно востание минатиот април без обезбедување воена поддршка за Гваидо до назначување отворен ентузијаст за промена на режимот, Елиот Абрамс, за амбасадор во Венецуела, до нејасни закани со војна од поранешниот советник за национална безбедност, Џон Болтон.
Марфи е бесен што Америка под Трамп го загубила природното право да контролира кој управува со Венецуела, посочува новинарот Глен Гринвалд.
America lost the ability to control who governs Venezuela — the natural right of the United States to do — and @ChrisMurphyCT is furious about it. https://t.co/rKcD3GFIW2
— Glenn Greenwald (@ggreenwald) August 4, 2020
Социјалистичкиот коментатор Том Војчик смета дека демократите под Бајден агресивно ќе му дадат приоритет и покомпетентно ќе организираат уште еден државен удар во Венецуела во име на препишување на оставнината на Трамп.
Last thing I’ll say, Democrats will aggressively prioritize and more competently mount another VZ coup under Biden because they believe a successful Venezuelan coup will be, amongst other things, a refutiation of Trump. https://t.co/GVZ28gJnBy
— Tom Wojcik ? (@TomWojcik) August 4, 2020
Она што ја илустрира серијата изјави од Марфи, коментира левичарскиот новинар Бен Нортон, е дека обидот за државен удар во Венецуела бил двопартиски.
„Барем овој прогресивен империјалистички демократ е искрен“, вели Нортон.
Неуспешниот обид на Трамп за промена на режимот во Венецуела го обележа повлекувањето од ветувањето на САД дека нема да се меша во странски конфликти и војни за промена на режимот.
This thread is a masterclass in "humanitarian" liberal interventionism. The problem with Trump's Venezuela policy, argues Murphy, is not that he attempted to overthrow the government, but that his crass diplomatic style squandered a golden opportunity to overthrow the government https://t.co/phO7yiVuO0
— Michael Tracey (@mtracey) August 4, 2020
Во Каракас на власт останува Мадуро, што ги фрустрира Марфи и пратениците од обете страни на политиката, кои мислеа дека имаат златен билет со Гваидо минатата година. Самиот Гваидо, заедно со голем број опозициски политичари, ветија дека ќе ги бојкотираат парламентарните избори во Венецуела во декември тврдејќи дека Мадуро ќе изврши изборна измама за да ја одржи својата партија на власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Бајден тајно и го испрати на Украина најмоќното оружје досега, тие веќе жестоко ги нападнаа Русите
Соединетите држави тајно испратија нов ракетен систем со долг дострел во Украина минатата недела, а украинските сили веднаш го искористија оружјето за да нападнат руски воен аеродром на Крим минатата среда и руски војници во југоисточниот дел на земјата во текот на ноќта во вторникот, изјави американски официјален претставник за „Њујорк Тајмс“.
Соединетите Американски Држави претходно и доставија на Украина верзија на овој тактички ракетен систем – познат како ATACMS – кој може да носи касетна муниција до растојание од 160 километри.
Но, Украина долго време копнееше за верзија на системот со подолг дострел, со домет од околу 450 километри, кој може да достигне подлабоко во окупирана Украина, вклучувајќи го и Крим, центарот на руските воздушни и копнени сили и центрите за снабдување на силите на Москва во југоисточниот дел на земјата.
Во текот на ноќта во вторникот, Украина употреби ракети со поголем дострел за да ги нападне руските војници во пристанишниот град Бердјанск на Азовското Море, изјави висок американски претставник.
Минатата среда, профилите на социјалните мрежи во Украина објавија големи пожари и експлозии на воениот аеродром во Џанкој, Крим, за кој висок американски функционер рече дека исто така бил цел на ATACMS.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Во говорот таа вечер, украинскиот претседател Володимир Зеленски му се заблагодари на генералот Олександр Сирски, главниот командант на Украина, но не кажа повеќе за нападот.
Американскиот претседател Бајден тајно ја одобри одлуката за испраќање повеќе од 100 ракети со поголем дострел во средината на февруари, изјави висок функционер, како и повеќе варијанти на касетна муниција. Тие беа дел од испораката на оружје за Украина во март вредна 300 милиони долари.
Бајден долго време одбиваше да испраќа ракети со поголем дострел поради неколку причини, рече официјалниот претставник. Прво, американската војска одлучи да го намали бројот на проектили што ги продава на трети земји, намалувајќи ја загриженоста на Пентагон за можниот недостиг. Зголемената употреба на балистички ракети од страна на Русија и зголемените напади врз клучната инфраструктура, исто така, ја поттикна Украина поагресивно да бара оружје што би можело да помогне во спротивставувањето на овие закани.
Првите напади со новите ракети имаа разорни последици, пишува NYT. Видеата објавени од жителите на социјалните мрежи минатата среда ги покажуваат пожарите што избувнаа по нападот. Четири часа по нападот, Crimean Wind, група која ги следи објавите на локалните социјални мрежи, извести дека погодената руска муниција сè уште експлодира. Тие рекоа дека се разнесени прозорците на куќите во близина на аеродромот.
Подоцна, Генералштабот на Украина објави снимка од ракетниот напад со детали за нападот на украинските безбедносни претставници – четири ракетни системи земја-воздух С-400, три радарски станици, командно место за воздушна одбрана и систем за команда и контрола на одбраната на Крим.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.