Свет
Контролор на лет во Индонезија се жртвувал за да спаси стотина патници
Бројот на загинати во силниот земјотрес и цунамито во Индонезија во неделата се искачи на 832, а луѓето на погодениот остров Сулавеси се обидуваат да дојдат до храна и вода. Случаите на грабежи стануваат сè почести, а во одредени области се зголемува тензијата бидејќи оттаму сè уште нема никакви информации.
Индонезискиот заменик-претседател Јусуф Кала, повикувајќи се на слични претходи катастрофи, рече дека можно е да настрадале илјадници и илјадници луѓе.
Во морето тажни приказни во врска со катастрофата во Индонезија, има и една тажна, но на прекрасен начин. Гунаван Агунг, 21-годишен контролор на летање, во петокот го жртвувал сопствениот живот со цел да го осигура полетувањето на патнички авион што превезувал стотина патници од погодениот крајбрежен град Палу, објави Би-би-си.
Агунг во текот на земјотресот со јачина од 7,5 степени одлучил да остане во контролната кула на аеродромот во Палу, иако ѕидовите почнале да пукаат и целата зграда се закосила. Агунг го насочувал летот 6321 на „Батик ер“ за време на полетувањето и не сакал да избега додека стотина животи биле во опасност.
„Оваа несебична и херојска одлука Агунг го чинеше живот, но со ваквиот чин тој спаси стотина други животи“, рече Јоханес Сираит, портпарол на воздухопловната навигација на Индонезија.
Откако авионот полетал од пистата, Агунг скокнал од четвртиот кат мислејќи дека кулата ќе се урне од потресот. При падот ја скршил ногата и добил сериозни внатрешни повреди од кои починал.
Земјотресот не ја урнал кулата, но тешко ја оштетил и уништил дел од пистата во должина од 250 метри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.