Европа
Корбин: Ќе го спроведам брегзит ако победам на изборите
Лидерот на опозициската бритнска Лабуристичка партија, Џереми Корбин, рече дека ќе го спроведе процесот на брегзит и ќе побара повторно да преговара за условите за напуштање на ЕУ, доколку победи на вонредните избори следната година.
„Треба да се вратите и да преговарате и да видите каква би била агендата”, изјави Корбин за британски „Гардијан“, на прашање шро тој би направил ако победи на предвремените парламентарни избори, објави „Ројтерс“.
Пред само неколку дена бритнаските власти соопштија дека Кабинетот на Тереза Меј се подготвува да дискутира на тема дали владата треба да ги забрза подготовките за брегзит без договор.
Ова се случи како резултат на коментарите на премиерката Меј, која изјави дека пратениците нема да гласаат за нејзиниот договор за брегзит до третата недела во јануари.
Лидерот на лабуристите, Џереми Корбин, предложи глас на недоверба против Меј додавајќи дека таа ја довела Велика Британија во државна криза.
Владата го отфли овој предлог со образложение дека се работи за глупави политички игри.
До официјалниот брегзит преостануваат уште 101 ден, а голем број пратеници сè уште се против договорот за повлекување, додека, пак, министрите ја разгледуваат можноста за излез без договор.
Сепак, голем број пратеници се противат на идејата за излез, без договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.