Свет
Коронавирусот може да се пренесе преку дишење, тврдат научници од Флорида
Група научници од Универзитетот во Флорида успеале да изолираат жив примерок од коронавирус од аеросоли што ги собрале од пациенти хоспитализирани поради Ковид-19 на растојание од два до помалку од пет метри.
„Ова го бараа луѓето. Ова е недвосмислен доказ дека вирусот се наоѓа во аеросолите“, рече Линзи Мар, специјалист за вируси што се шират во воздухот, која инаку не учествувала во истражувањето.
Откритието на научникот од Флорида беше објавено на интернет минатата недела, но сè уште чека рецензија. Сепак, ова не ја спречи дебатата за резултатите од истражувањето во научната заедница.
„Ако ова не е цврст и непобитен доказ, тогаш не знам што е“, напиша Мар на „Твитер“ минатата недела, а некои експерти велат дека сè уште не е јасно дали количината вирус што е пронајден во аеросоли е доволен за да зарази некого, пишува „Њујорк тајмс”.
Истражувањето било многу тешко да се спроведе, со оглед дека дијаметарот на аеросолите изнесува пет микрометри, а испарувањето дополнително го намалува. Обидите да се соберат минијатурни капки обично го оштетуваат вирусот.
„Многу е тешко да се земе примерок од биолошка материја од воздухот, а притоа да може да се употреби“, рече инженерот Шели Милер, кој ги проучува квалитетот на воздухот и болестите што ги пренесува, додавајќи: „Мораме да собираме примероци на паметен начин за да бидат слични на оние што луѓето ги дишат“.
Претходните обиди да се испита ширењето на вирусот преку аеросоли не беа успешни токму поради техниките за земање мостри.
Истражувачите од Универзитетот во Флорида ги сочувале примероците, со тоа што првин ги зголемиле со пареа и потоа ги префрлиле во течност полна со соли, шеќер и протеини, со што се сочувал патогенот.
Примероците за оваа студија биле собрани во собата за лекување пациенти со Ковид-19 во болницата „Хелт Шандс“ на Универзитетот во Флорида. Ниту еден пациент во собата не бил подложен на медицински зафати за кои се знае дека производуваат аеросоли.
Истражувачите ги собрале примероците на место што е оддалечено два метра од пациентите и на место што е оддалечено од нив речиси пет метри, што е многу повеќе од препорачаната оддалеченост што треба да се држи за да се намали можноста од инфекција со коронавирус.
Тие биле успешни на двете растојанија, а генетската анализа на вирусот покажала дека е идентична со онаа што се наоѓа кај пациентот, кој неодамна бил примен на лекување.
Воздухот во болничката соба бил менуван шест пати на час, а просторијата била опремена со ефикасни филтри и други мерки за безбедност, кои требало да го деактивираат вирусот пред да се пушти воздух во собата.
Водечкиот виролог на истражувачкиот тим, Џон Ледницки, рече дека тоа е причината зошто успеале да најдат само 74 честички на вируси во еден литар воздух.
Затворените простори со послаба вентилација, како што се училиштата, наводно содржат повеќе честички на вирусот.
Други научници, од друга страна, велат дека е тешко од овие откритија да се заклучи во каква опасност од зараза се наоѓа поединецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.