Свет
Коронавирусот циркулирал во Италија уште во септември 2019 година
Анализа на примероци од 959 луѓе, сите без симптоми на Ковид-19, кои биле дел од скринингот за тумори на белите дробови, во периодот од септември 2019 до март 2020 година, покажала дека 11,6 отсто од нив или 111 од 959 лица имале во себе антитела на коронавирус, се наведува во заклучокот на Институтот за онкологија во Милано, во соработка со Универзитетот во Сијена.
„ Анализиравме и проучивме присуство на специфични антитела поврзани со појава на вирус во примероци од крв кај 959 асимптоматски лица поврзани со Ковид-19, кои беа дел од скрининг за тумори на белите дробови. Специфични антитела на Сарс-Ков-2 РБД се откриени кај 111 лица од 959 (11,6 проценти) заклучно со септември 2019 година (14 проценти) со група позитивни случаи (> 30 проценти) во втората половина на февруари 2020 година, со најголем број беше во Ломбардија (53,2 проценти)“, соопшти Институтот.
Од 111 случај, 23 се од септември 2019 година, 27 од октомври, 26 од ноември, 11 од декември, три од јануари 2020 година и 21 лице од февруари. Позитивните луѓе се претежно од Ломбардија, потоа од Пиемонт, Лацио, Емилија Ромања, Тоскана и Венето.
„Оваа студија покажува неочекувано рано присуство на вирусот Сарс-Ков-2 кај асимптоматски луѓе во Италија, многу месеци пред откривањето на првиот пациент. Потрагата по антитела на вирусот во лицата без симптоми уште пред прогласувањето на епидемијата на Ковид, би можела да ја промени историјата на целата пандемија“, може да се прочита во објавената студија.
Масимо Гали, директор на Клиниката за инфективни болести „Луиџи Сако“ во Милано, за медиумите изјави дека се сомнева дека вирусот е „толку стар“ и дека е присутен во Италија од септември 2019 година.
„Тешко ми е да поверувам дека вирусот е толку стар и чекам конкретни потврди. Ако тој навистина постоел од септември 2019 година, потребно е да се разбере како тој не ги создаде првите жаришта. Треба да се оди полека, чекор по чекор“, изјавил Гали.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.