Свет
Курц ги отфрли обвиненијата: Истрагата за проневера, поткуп и мито е конструирана
Австрискиот канцелар Себастијан Курц ги отфрли сите обвиненија поднесени против него од Обвинителството за економски криминал и корупција.
Курц за весникот „Клајн цајтунг“ и ОРФ изјави дека истрагата против него, поради сомневање за проневера, поткуп и примање мито, била измислена.
„ По кратко време, повторно се појавуваат нови обвинувања, кои, како и претходните, беа конструирани, и повторно според истиот систем – делови од СМС се користат и се ставаат во погрешен контекст. Вистината ќе излезе на виделина “- нагласи тој.
Австрискиот канцелар е под истрага поради сомневање за корупција, поткуп и примање мито, објавија обвинителите за борба против корупцијата по претресот во канцелариите на владејачката Народна партија на Австрија (ОВП), чив лидер е тој.
Обвинителството за борба против корупцијата под истрага стави уште девет лица.
Австриските медиуми објавија дека обвинителството се сомнева дека Министерството за финансии купило огласи во таблоидот „Естерејх“ во замена за известување и подобрување на анкетите на јавното мислење во корист на канцеларот Курц и неговата партија.
Обвинувањата се однесуваат на борбата во партијата помеѓу поранешниот шеф Рајнхолд Митерлајнер и Курц во 2017 година.
Истражителите веруваат дека во тоа време било објавувано истражување во корист на Себастијан Курц, а неговото опкружување ги оправдало трошоците во буџетот, претставувајќи ги како трошоци за студии нарачани од Министерството за финансии.
Истражителите се фокусираат и на поранешната министерка за семејство Софи Кармасин, портпаролите на канцеларот Јоханес Фришман, Гералд Флајшман, како и советникот на ОВП Стефан Штајнер, портпаролот на Министерството за финансии Јоханес Пасквали, истражувачите на јавното мислење Сабин Биншаб и Хелмут Фелнер.
Истражителите велат дека тој лично му дал наредба на тогашниот генерален секретар на Министерството за финансии, Томас Смит, да се организира и да преговара со „Естерејх“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите кои ќе траат шест недели, а ќе гласаат околу 970 милиони гласачи
Денеска започнаа најголемите избори во светот, а околу 970 милиони регистрирани гласачи во Индија учествуваат во овој огромен процес кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарди жители. Гласачите всушност не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави Дојче веле.
На натпреварот учествуваат шест национални партии, 57 партии од индиски сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формираше сојуз од 28 партии наречен Индискиот национален развој инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира откако ќе се разјасни неговата природа.
– Во секој случај, без разлика на се, продолжуваме да се залагаме за воздржаност од двете страни за да нема дејствија што би предизвикале натамошна ескалација на тензиите во регионот – рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала Шахед од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.