Свет
Лавров: Белешките на Болтон се отворен повик за интервенција во Венецуела
Говорејќи за кризата во Венецуела, рускиот шеф на дипломатијата, Сергеј Лавров, изјави дека САД и нивните сојузници сакаат да ги конфискуваат венецуелските државни добра со употреба на притисок. Тој истакна дека Москва ќе направи сè што е во нејзина моќ за да ја поддржи легалната власт во Каракас, а белешките на Џон Болтон, советникот за национална безбедност на американскиот претседател, Доналд Трамп, на кои пишува: „5.000 војници во Колумбија“ ги оцени како отворен повик за интервенција во Венецуела.
„САД и нивните најблиски сојузници создаваат најсериозни пречки за можноста за меѓународна помош за решање на кризата во Венецуела“, изјави Лавров.
Според него, венецуелската опозиција е инструирана и под големо влијание на Западот.
Кризата во Венецуела настана кога претседателот на националното собрание, кое е единствено тело под контрола на опозицијата, Хуан Гуаидо, се прогласи за претседател на еден од многубројните протести против актуелниот претседател Николас Мадуро.
Зад Гуаидо застана Вашингтон, како и многубројни латиноамерикански земји поради што Москва смета дека зад бунтот стојат САД.
И Мадуро тврди дека станува збор за државен удар оркестриран од Вашингтон. Тој денеска уште еднаш повтори дека ги прекинува дипломатските односи со САД и нареди американските дипломати да ја напуштат Венецуела. Тој му порача на Трамп на англиски јазик „да ги тргне рацете подалеку од Венецуела“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.