Свет
Лари Кинг хоспитализиран поради коронавирус
Познатиот американски телевизиски новинар Лари Кинг е хоспитализиран поради коронавирус, објави „Дејли мејл“.
Како што пренесува британскиот медиум, 87-годишниот Кинг кој е познат по интервјуата емитувани на Си-ен-ен, е пренесен во болница откако еден негов гостин на неговата емисија бил хоспитализиран во Лос Анџелес.
Кинг и` припаѓа на ризичната група пациенти поради неговите години и лошото здравје. Тој имал бројни здравствени проблеми, вклучително и срцев удар, рак на простатата и белите дробови, како и дијабетис од типот два.
Поради лошата здравствена состојба, неговите најблиски не можат да го посетат во болница. Неговата 23 помлада сопруга Шон Кин, како и двајцата синови Ченс и Кенон.
Кинг е американски радиски и телевизиски водител, кој во 1970-те стана еден од најслушаните радио-водители во САД, а светската слава ја достигна на ТВ-мрежата Си-ен-ен како водител на популарното ток-шоу „Лари Кинг Лајф“, кое се емитуваше од 1985 до 2010 година. Добитник е на многу престижни новинарски награди и се смета за икона на популарната култура во САД.
Исто така е познат и по бурниот приватен живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.