Свет
Лидерот на италијанската левица го преживеа гласањето доверба по поразот на изборите во ЕУ
Италијанскиот вицепремиер Луиџи ди Мајо го преживеа гласањето доверба за неговата лидерска позиција во партијата откако ја понуди својата оставка по катастрофалниот изборен резултат на изборите за Европскиот парламент минатиот викенд, пренесува „Ил џорнале“.
Членовите на Движењето за пет ѕвезди (M5С) беа повикани да гласаат за продолжување на лидерската позиција на Ди Мајо во четвртокот на веб-страницата на движењето, позната како „Русо“, по што гласаа 56.127 члена, а левичарскиот популист доби поддршка од 80 отсто од нив.
По гласањето, движењето напиша на нивната веб-страница: Денеска „Русо“ беше една од најубавите страници во историјата на директната демократија на Движењето Пет ѕвезди”.
M5С, исто така, го пофали рекордното учество во онлајн гласањето кое исто така е светски рекорд за онлајн гласање за политичка сила во еден ден .
Пред гласањето, „Ил џорнале” објави дека членовите на М5С биле шокирани дека нивните резултати на европските избори минатиот викенд биле дури и пониски отколку што претходно се предвидувало. Ди Мајо ја понуди својата оставка како лидер на движењето по катастрофалниот резултат.
Некои го обвинија Ди Мајо, кој е лидер на ДМ5С, вицепремиер и министер за труд, дека презел премногу работни места одеднаш. И покрај критиките, основачот на M5С, Бепе Грило, излезе во одбрана на Ди Мајо, велејќи:
„Луиџи не сторил криминал, тој не е вклучен во никаков скандал и мора да остане на лидерската позиција”, додаде Грило.
И покрај добивањето на довербата, Ди Мајо сé уште се соочува со анкетите кои многу го поддржуваат неговиот коалициски партнер Матео Салвини и неговата десничарска партија Лига, која победи на европските избори. Салвини јасно стави до знаење дека ќе го искористи моментумот на изборната победа за да изврши притисок за сопствени домашни политики, многу од кои М5С претходно ги отфрли.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.