Свет
Лидерот на Јужна Кореја очекува Ким Јонг Ун наскоро да ја посети Русија
Претседателот на Јужна Кореја, Мун Џае Ин, очекува лидерот на Северна Кореја, Ким Јонг Ун, наскоро да ја посети Русија, а кинескиот претседател Си Џинпинг да оди во посета на Северна Кореја.
Мун ваквата изјава ја даде на еден ден по средбата на државниот секретар на Мајк Помпео и Ким Јонг Ун во Пјонгјанг, на која стана збор за денуклеаризирањето, како и планирањето на нова средба помеѓу лидерот на Северна Кореја, Ким Јонг Ун со неговиот американски колега, Доналд Трамп.
Вториот состанок на Трамп и Ким би можел да биде проследен со дипломатски активности кои би можеле да придонесат за денуклеаризација на Корејскиот полуостров и стабилизирање на мирот, рече Мун.
Мун додаде дека постои можност Ким Јонг Ун да се состане и со јапонскиот премиер Шинзо Абе.
Претседателот на Јужна Кореја, Мун Џae Ин исто така разговарал со американскиот државен секретар Помпео во Сеул , откако високиот американски дипломат се сретна со Ким Јонг Ун, а на нивните разговори кои траеа повеќе од два часа главна тема беше денуклеаризацијата на Корејскиот Полуостров.
Мун, со кого се сретна Помпео по средбата со Ким Јонг Ун, изрази надеж дека посетата на Помпео и планираната втора средба на Ким и Трамп придонесува до „решителен напредок на денуклеаризирање и мировниот процес”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.