Свет
Ликвидиран војникот кој во крвав поход уби 26 лица во Тајланд
Тајландските сили за безбедност во неделата наутро го ликвидирале војникот, кој уби 26 лица, а рани најмалку 52 други во неговиот крвав поход низ улиците и во трговски центар во град на истокот од земјата.
Како што беше соопштено од тајландскиот министер за безбедност, војникот бил пронајден по повеќечасовна потрага низ испразнетиот трговски центар каде првично тој го насочи својот напад.
Мотивот за овој масакр бил склучен договор за купопродажба на земјиште при што тој се почувствувал како изигран, соопштија властите.
Војникот го убиле негови колеги, односно припадници на воените сили, по ноќната опсада на трговскиот центар „Терминал 21“ во град околу 250 километри оддалечен од тајландската престолнина Бангкок.
Полицијата го идентификува напаѓачот како 32-годишниот Џакрапант Тома. Работел во воена база во близина на градот, а пред нападот на неговиот „фејсбук“ објавил дека тргнува во одмазда, иако не ја навел причината за тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.