Европа
Листа на работни места со најголем ризик од зараза – продавачите се најбезбедни од коронавирусот
Европскиот центар за спречување и контрола на болести го анализираше појавувањето на кластери, односно групи заразени во различни работни средини и утврди дека со најголем ризик од инфекција со новиот коронавирус се вработените во домовите за стари и немоќни лица, а веднаш зад нив се медицинските работници во болниците.
Но, иако лекарите и медицинските сестри се заразуваат помалку од нив, нивната смртност е поголема. Продавниците, од друга страна, се покажале како прилично безбедна работна средина.
Европскиот центар за превенција и контрола на болести го анализирал појавувањето на т.н. кластери, во овој случај групи од најмалку двајца заразени, во различни работни околности, со цел да ги охрабрат државите да посветат посебно внимание на одредени групи работници и работни услови кои овозможуваат ширење на инфекцијата, пренесува „Хина“.
Анализата го опфаќа периодот од март до јули, а и покрај тоа што се барале податоци од 30 земји на ЕУ, Европската економска зона и Велика Британија, само 17 земји, вклучително и Хрватска, ги доставиле своите бројки – честопати нецелосни или без неопходното прецизирање.
Пријавени биле вкупно 1.377 кластери во работното опкружување, претежно во здравствените и социјалните услуги. Но, ова не е компактна целина: најмногу се погодени вработените во старските домови (591 кластер) и оние во болниците, додека најбезбедни се работниците во примарната здравствена заштита со минимална појава на заболувања.
На второ место по појава и ширење на вирусот се постројките за преработка на храна, како што се кланици, земјоделски бизниси, како оние за овошје и фабрики.
Ширењето на инфекцијата, како што се наведува, е под влијание на малото растојание помеѓу работниците или заедничкото сместување на сезонските работници. Во канцеларискиот простор биле забележани 65 кластери. На дното на скалата се продавниците и образовните институции со 22 кластери, додека баровите и рестораните регистрирале само пет случаи на заразени групи.
Сепак, се додава дека во текот на пролетните месеци работата на секторот образование и на угостителството беше ограничена.
Дури 95% од извештаите за групи пациенти доаѓаат од оние кои биле во затворен простор, што само по себе е проблем затоа што повеќе од 80% од работните места се вршат во затворено.
Забележана е висока зачестеност на болеста кај ниско платените професии, а особено опасно за ширењето на инфекцијата е што многумина поради страв од губење на работните места, продолжуваат да одат на работа со симптоми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.