Свет
Мадуро: Венецуелските опозициски лидери ќе бидат изведени пред лицето на правдата
Венецуелските опозициски лидери дејствуваат против интересите на венецуелскиот народ и предизвикуваат штета во државата, изјави вчера претседателот на Венецуела, Николас Мадуро, за телевизијата „Ал Мајадин“.
„Хуан Гуаидо и неговите поддржувачи порано или подоцна ќе бидат изведени пред лицето на правдата и ќе понесат одговорност за обидот да ја преземат власта”, рече Мадуро.
Тој додаде дека кризата во Венецуела е организирана од САД.
„Тие [опозициски лидери] се марионети што ѝ служат на екстремистичката администрација на Доналд Трамп, која сака да ја колонизира Венецуела. Т.н. хуманитарна интервенција за која САД зборува има за цел да ја потчини нашата земја и да ги искористи нашите природни ресурси”, истакна Мадуро.
На 23 јануари, претседателот на Националното собрание на Венецуела, Хуан Гуаидо, се прогласи себеси за привремен претседател. Мадуро го опиша тоа како обид за државен удар и најави прекин на дипломатските односи со САД.
Гуаидо беше признат како привремен претседател од земјите од групата Лима (освен Мексико), како и од Албанија, Грузија, САД и Организацијата на американски држави. Неколку земји од ЕУ излегоа со поддршка за парламентот на Венецуела и изразија надеж за нови избори за решавање на кризата.
Мадуро беше поддржан од Русија, Боливија, Иран, Куба, Никарагва, Ел Салвадор и од Турција. Белорусија и Кина повикаа на решавање на сите прашања по мирен пат и изразија противење за какво било мешање однадвор. Генералниот секретар на ОН повика на дијалог за решавање на кризата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.