Свет
Мадуро: Должен сум да го посетам Иран за да се заблагодарам за доставената нафта
Претседателот на Венецуела, Николас Мадуро, најави дека во блиска иднина ќе го посети Иран за да разговара за потпишување билатерални договори за соработка што се однесуваат на енергетиката и другите сектори, пренесува „Њујорк тајмс“.
Во телевизиско обраќање во понеделникот Мадуро истакна дека е должен да оди лично да му се заблагодари на народот на Иран, кој претходно испрати флота со танкери со нафта за неговата земја.
Не е јасно кога точно Мадуро ќе го посети Иран.
Неговата изјава доаѓа откако портпаролот на иранското Министерство за надворешни работи, Абас Мусави, изјави дека Техеран ќе продолжи со своите нафтени пратки во Венецуела ако Каракас побара повеќе вакви испораки.
„Иран ги практикува своите права за слободна трговија со Венецуела и подготвени сме да испратиме повеќе танкери ако Каракас побара повеќе испораки од Иран“, истакна Мусави.
Тој зборуваше откако петте ирански танкери со нафта и со опрема за рафинирање нафта пристигнаа во Венецуела минатата недела.
Претходно, и Венецуела и Иран изразија загриженост дека САД може да се обидат да ја спречат испораката на нафта со употреба на своите воени бродови распоредени на Карибите по непотврдените извештаи дека Вашингтон размислува за таква опција.
Иранскиот претседател Хасан Рохани ги предупреди САД дека Техеран ќе се одмазди ако неговите танкери се соочат со проблеми.
Иран, исто така ги отфрли, како што рече, неоснованите обвинувања на американскиот специјален претставник за Венецуела, Елиот Абрамс, дека Техеран го снабдува Каракас со опрема потребна за рестартирање на рафинериите во замена за злато од резервите на Венецуела.
Во посебен развој минатата недела, Мадуро ги осуди обидите на САД да го спречат Каракас да има трговски односи со Иран, тврдејќи дека ова е неотуѓиво право на двете држави.
„Венецуела и Иран сакаат мир и имаме право слободно да тргуваме“, истакна тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони кои ќе бидат наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации Хоризонт Европа од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2), за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото, и дека се уште го чека извештајот од обдукцијата на нејзиниот син.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го сокрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за Нова.рс изјави дека никој не дошол кај неа да и каже дека нејзиниот син е претепан, туку дека само полицаецот дошол да ја извести за неговиот погреб.
„Не се сомневам дека ќе се дознае кој го убил, од Бор се. Извештајот од обдукцијата се уште не сум го добила, па се надевам дека ќе открие се“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала дека Драгијевиќ починал со насилна смрт, а доказ за тоа се бројните повреди што ги имал по телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“ Дејан Драгијевиќ и Срѓан Јанковиќ под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го сокрие телото на детето.
Телото на Данка се уште не е пронајдено.
Свет
Дмитриј Песков: Москва се придржува до идејата на Путин за создавање тампон зона во Украина
Москва се придржува до идејата на рускиот претседател Владимир Путин за создавање тампон зона во Украина за заштита од оружје со долг дострел, изјави на прес-конференција портпаролот на Кремљ, Дмитриј Песков.
„Што се однесува до тоа, ништо не е променето“, рече тој одговарајќи на новинарско прашање, пренесе ТАСС.
Портпаролот на Кремљ додаде дека прашањето за борбата против оружјето со долг дострел доставено до Украина и потенцијалните напади врз областите во кои тие се концентрирани е „прилично во надлежност на вооружените сили“.