Свет
Макрон: Франција и САД ќе работат на нов нуклеарен договор со Иран
Претседателот на Франција, Емануел Макрон изјави дека е подготвен да соработува со Вашингтон за постигнување на нов договор за нуклеарната програма на Иран, откако претседателот на САД, Доналд Трамп го опиша договорот постигнат пред три години како катастрофа и лудило.
„Можам да кажам дека имавме многу искрена дискусија по ова прашање. Отсега ќе работиме на нов договор со Иран“, изјави Макрон на заедничката прес-конференција со Трамп, по нивниот состанок во „Белата куќа“.
Неколку месеци наназад, Трамп најавува дека ќе се откаже од нуклеарниот договор, опишувајќи го како најлошата зделка. Во јануари Трамп го предупреди Иран дека има последна шанса да докаже оти ги исполнува условите од договорот, или САД ќе бидат принудени да се повлечат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.