Свет
Макрон: Франција се подготвува да гради нова Сирија
Францускиот претседател, Емануел Макрон изјави дека САД, Франција и нивите сојузници се обврзани да останат во Сирија, за да градат нова Сирија, по поразот на „Исламска држава“.
„Дури и по завршувањето на војната против ИСИС, САД, Франција и нашите сојузници, сите земји од регионот, па дури и Русија и Турција ќе играат важна улога во создавањето на нова Сирија. Сепак, иднината на земјата ќе ја одреди сирискиот народ“, изјави Макрон за „Фокс њуз“.
Според него, доколку Франција и нејзините истомисленици одлучат да ја напуштат Сирија, Иран ќе добие можност да го засили своето влијание.
„Доколку целосно се повлечеме, дури и во политичка смисла, ќе им препуштиме на Иран и режимот на Башар ал-Асад да подготват нова војна и да поддржат нови терористи“, рече Макрон.
Спротивно на тоа, висок американски претставник, цитиран од руската новинска агенција ТАСС изјавил дека САД нема да обезбедат помош за обновување на регионите во Сирија кои се контролирани од Башар ал Асад.
Тој бил дециден дека по проценка за понатамошните активности заклучиле оти не треба да финансираат области контролирани од Асад, пишува новинската агенција ТАСС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.