Свет
Марин ле Пен ги отфрли барањата за психијатриска проценка
Француската популистичкиа лидерка, Марин ле Пен, ги отфрли наредбите на францускиот суд со кои се бара таа да се подложи на психијатриска проценка во рамките на нејзиниот судски прогон во врска со нејзините твитови за егзекуциите на Исламска држава, пренесува „Брејтбарт“.
Ле Пен откри на „Твитер“ дека ѝ било наредено да се подложи на психијатриска проценка како дел од случајот против неа велејќи: „Мислев дека сум минала сè: ама не! Затоа што ги осудив ужасите на Даеш (ИСИС) во твитови, „правниот систем” ме упати на психијатриска проценка. До каде ќе одат?!”
Ле Пен потоа објави слика од наредбата, за која вели: „Тоа е халуцинација. Овој режим навистина почнува да ме плаши”. Наредбата доаѓа од окружниот суд во Нантер и е со датум од 11 септември.
Националниот секретар на судскиот сојуз, Жаки Кулон, изјави за „Франсинфо“ дека процесот е автоматски и рече: „Постои задолжителна психијатриска проценка во контекст на обвинението кога станува збор за ширење насилна порака”. Таа нагласи дека проценката не е наложена од политички причини.
Потегот на судот беше жестоко осуден од лидерот на француската крајна левица, Жан-Лик Меленшон, кој напишана „Твитер“ : „Воопшто не се согласувам со психијатризацијата на оваа политичка одлука. Мадам Ле Пен е политички одговорна за своите политички активности”, додаде тој. „Тоа не се методи со кои ќе ѝ се спротивставиме на крајната десница.“
Поддршка за Ле Пен дојде и од странство, од популистичкиот италијански министер за внатрешни работи Матео Салвини, кој напиша: „Немам зборови! Солидарност со неа и со Французите кои ја сакаат слободата! ”
Случајот против Ле Пен произлегува од твитовите кои таа ги напиша во 2015 година, нагласувајќи ја бруталноста на Исламска држава преку објавување видеа од терористичката група. Малку е веројатно дека Ле Пен ќе се подложи на психијатриска проценка откако за францускиот радиодифузер Б.Ф.Т.Т.Т. изјави:
„Истражниот судија побара да поднесам психијатриски извештај. Се разбира, нема да се подложам на прихијатриска проценка и чекам да видам како мисли судијата да ме принуди”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.