Европа
Макрон му испрати писмо на Вучиќ: Братството по оружје да биде основа за стратешко партнерство
Српскиот претседател, Александар Вучиќ, прими писмо од францускиот колега Емануел Макрон, во кое лично му се заблагодари на присуството во Париз на церемонијата, со која беше одбележана стогодишнината од примирјето во Првата светска војна.
Макрон во писмото наведе дека знае колку спрскиот народ претрпел за време на Првата светска војна поднесувајќи повеќе од еден милион и двесте илјади жртви, што претставувало речиси една третина од населението.
„Сакам да оддадам признание на нивната борба на страната на сојузниците, а особено на Франција на Солунскиот фронт, за што не се зборува многу често, иако беше одлучувачки за ставање крај на тој разорувачки судир“, се наведува во писмото доставено до канцеларијата на Вучиќ.
Тој му порача на Вучиќ и на српскиот народ дека сака да бидат во целост уверени во неговите залагања да се укаже чест и да се заживее ова сеќавање.
„Изразувам желба одбележувањето на братството по оружје на нашите две земји и жртвите на нашите војници да послужат како основа за ново заедничко настојување на нашите две држави во рамките на стратешкото партнерство за повеќе да ја унапредиме соработката, европските вредности и регионалната стабилност“, истакна Маркон.
Тој му се заблагодарил на Вучиќ за неодамнешното писмо во кое му укажал на придонесот на Владата на Република Србија во развојот на наставата на француски јазик и мултилатералната франкофонска соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.