Свет
Масовни протести во Иран: „Смрт за диктаторот“
Протестите со молскавична брзина се шират на улиците на иранските градови, каде што илјадници граѓани протестираат поради сомнителната смрт на 22-годишната Махса Амини.
Таа починала во полициски притвор и била приведена поради несоодветно носење хиџаб.
Демонстрантите ги фрлаа своите марами на клада и ги палеа.
„Двајца млади момчиња беа претепани од полицајци во цивилна облека и полицајци од итната помош, а потоа ги одвлекоа во комбе пред влезот на метрото“, изјави еден од очевидците.
„Повредената девојка, која лежеше на тротоарот, е пренесена со брза помош во болница, а уште петмина се уапсени на северната страна на плоштадот Енгелаб“, велат дел од демонстрантите.
На видеата се гледаат демонстранти, кои извикуваат: „Жени, живот, слобода“. Други палат оган, се борат со полицијата или ги симнуваат и палат шамиите и уништуваат плакати на врховниот водач на земјата и скандираат; „Смрт за диктаторот“, според Си-ен-ен.
Последните масовни протести во Иран беа забележани пред три години кога владата ја зголеми цената на бензинот.
Според организацијата за човекови права „Хенгав“, регистрирана во Норвешка, која го следи кршењето на правата во Иран, најмалку пет демонстранти се убиени за време на демонстрациите во курдскиот регион во последните неколку дена. Во другите градови во кои се одржаа протести повредени се уште 74 граѓани.
Според иранските власти, Амини починала кога доживеала срцев удар и паднала во кома по апсењето.
Сепак, нејзиното семејство нагласило дека девојчето немало проблеми со срцето.
Иранските државни медиуми објавија монтирани снимки од безбедносните камери, на кои се гледа како Амини колабира во центар за „ревоспитување, каде што била однесена за да добие насоки како да се облекува.
Иранската морална полиција е дел од агенцијата за спроведување на законот во земјата и има задача да ги спроведува строгите општествени правила на Исламската Република, вклучително и кодекс на облекување, кој бара од жените да носат хиџаб на јавни места.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.