Свет
Махмуд Абас: Палестинците да ги прекинат договорите со Израел
Претседателот на Палестинската самоуправа, Махмуд Абас, изјави во четвртокот дека палестинското раководство одлучило да ги запре сите договори склучени со Израел. Абас контактираше со Хамас, нудејќи да го прекине спорот помеѓу движењето и неговата владејачка фракција „Фатах“, пренесува „Џерусалем пост”.
„Ја објавуваме одлуката на раководството да престанеме да се занимаваме со договори потпишани со израелската страна”, рече Абас за време на итниот состанок на водачите на Палестинската самоуправа во Рамалах.
Состанокот беше свикан за да се разговара за рушењето на палестинските градби во областа Вади ал-Хумус, во близина на населбата Сур Баер во источен Ерусалим.
„Од утре ќе воспоставиме механизми за спроведување на одлуката донесена од страна на Палестинскиот централен совет”, рече Абас, додавајќи дека ќе формира специјален комитет за да се продолжи со одлуката.
Израелскиот премиер Бенјамин Нетанјаху во четвртокот го Абас за префрлањето средствата на „Хамас“ на прес-конференција со германската канцеларка Ангела Меркел, на која двајцата покажаа единство и покрај големите несогласувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.