Свет
Мексиканскиот наркобос Ел Чапо со силно полициско обезбедување изведен пред судот во Њујорк
Судењето на мексиканскиот наркобос Хоакин Гузман, познат како Ел Чапо, почнува денеска во Њујорк, објави „Ројтерс“.
Како што пренесува агенцијата, судењето предизвикува невиден јавен интерес, а околу судот се спроведуваат силни безбедносни мерки.
Судскиот процес против обвинетиот лидер на мексиканскиот картел Синалоа ќе почне со воведни изјави на адвокатите во федералниот суд во Бруклин.
Федералните обвинители велат дека како водач на картелот во Мексико, сега 61-годишниот Гузман координирал огромни пратки хероин, кокаин, марихуана и метамфетамин наменети за САД. Тој се соочува со обвиненија по однос на 17 кривични дела и му се заканува доживотна казна затвор.
Гузман, кој двапати драматично побегна од мексикански затвори со силно обезбедување, се чува во самица на Менхетн, а до судот во Бруклин бил транспортиран со голема полициска поворка.
Покрај шверцот на дрога во САД, карнелот Синалоа имаше и голема улога во поттикнување на насилството меѓу ривалските банди, што погоди многу мексикански региони и претставуваше сериозен товар за тамошните власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.