Свет
Менаџерот на Трамп го лажел ФБИ, му се заканува казна затвор до 10 години
Поранешниот менаџер на кампањата на американскиот претседател, Доналд Трамп, Пол Манафорт, лажел за време на сведочењето во Федералното истражно биро, поради што сега му се заканува казна затвор до 10 години.
„Ројтерс“ оценува дека тоа би можело да ја загрози истрагата на специјалниот советник Роберт Милер за можното мешање на Русија во американските избори во 2016 година, што треба да се заврши во наредните неколку месеци.
Поранешниот менаџер на Трамп во август беше обвинет за банкарска злоупотреба и прикривање банкарски сметки.
Тој се изјасни за виновен за да ги избегне обвиненијата за перење пари, но меѓу другото, како што се наведува во судскиот документ, тој подоцна за време на сведочењето лажел.
„Ројтерс“ наведува дека тимот на Милер и адвокатите на Манафорт се согласиле дека веќе нема причина да се одложува изрекувањето казни, па така тој може да биде осуден сега и на 10 години казна затвор.
Милер го обвини Манафорт за користење 31 странска банкарска сметка за да избегне плаќање на милиони долари во даноци. Како доказ беше понуден луксузниот животен стил на Манафорт, за кој обвинителите тврдат дека би било невозможно за него да не извршил финансиска измама.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.