Свет
Меркел: Врските меѓу Русија и десничарските партии во ЕУ се причина за загриженост
Односите меѓу Москва и десничарските политички партии во ЕУ се причина за загриженост, рече германската канцеларка Ангела Меркел на прес-конференцијата во Берлин, пренесува ТАСС.
„Тука се појавуваат некои прашања. Постојано ја следиме многу силната поддршка што десничарските партии ја добиваат од Русија на еден или друг начин. Ова е причина за загриженост“, истакна Меркел.
Германската канцеларка го спомена и скандалот во врска со наводното финансирање на италијанската партија Лига од страна на Русија истакнувајќи дека италијанската страна мора детаљно да ги испита овие наводи.
Обвинителството во Милано поведе случај врз основа на информациите на „Базфид“ и италијанскиот неделник L’Espresso, во кои се разгледува наводното финансирање на Лига од Русија, при што случајот се квалификува како меѓународна корупција.
Главниот осомничен во случајот е еден од соработниците на италијанскиот вицепремиер Матео Салвини, шеф на здружението „Ломбардија-Русија“, Џанлука Савоини. Според обвинителството, неговиот глас може да се чуе на аудиоснимката што ја објави „Базфид“ од наводниот разговор со руски претприемачи со врски со Кремљ, при што беше разговарано за евентуален договор за набавка на нафта. Партијата би можела да добие дивиденди од договорот во износ од 65 милиони долари.
И Салвини и Савоини ги негираа обвинувањата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.